Read Shona Union Version 2002 Rwiyo Rukuru rwaSoromoni 7 Bible Online

Rwiyo Rukuru rwaSoromoni 7 - Shona Union Version 2002 bible

Rwiyo Rukuru rwaSoromoni 7

¹Tsoka dzako dzakanaka seiko mushangu, iwe mukunda womuchinda! Hudyu dzako, dzakatendereka, dzakaita sezvishongo, Basa ramaoko emhizha.

²Guvhu rako rakaita somukombe wakatendereka, Musingashaikwi waini yakavhenganiswa; Chiuno chako chaita sedutu rezviyo Rakakomberedzwa namaruva.

³Mazamu ako maviri akafanana navana vemharapara, Vana vakaberekwa vari vaviri.

⁴Mutsipa wako wakaita seshongwe yorunyanga rwenzou; Meso ako samakuvi paHeshibhoni, Pasuo reBhatirabhimi; Mhindo dzako dzakafanana neshongwe yeRebhanoni Yakatarisana neDhamasiko.

⁵Musoro wako pamusoro pako wakafanana neKarimeri; Nevhudzi romusoro wako nomucheka mutsvuku; Mambo akasungwa nevhudzi rakapetana.

⁶Wakanaka sei, unogadza sei, Mudiwa, pakati pezvinofadza.

⁷Umiro hwako hwakafanana nomuchindwe, Namazamu ako namasumbu ezvibereko zvawo.

⁸Ndakati, ndichakwira mumuchindwe, Ndibate matavi awo; Mazamu ako ngaave samasumbu emidzambiringa, Nokunhuwira kwemhino dzako sokunhuwira kwamaapuri,

⁹Nomuromo wako sewaini yakaisvonaka, Inotapira mudikanwa wangu pakunwiwa kwayo, Inoyerera pamiromo yavavete.

¹⁰Ndini womudiwa wangu; Kuda kwake kunondivinga.

¹¹Uya mudiwa wangu, ngatibudire kusango, Ngatigare mumisha.

¹²Ngatifumire kuminda yemidzambiringa; Tindoona kana mudzambiringa watunga; Kana maruva akura, Kana matamba atunga maruva; Ndipapo pandichakupa rudo rwangu.

¹³Mudiwadiwa anobudisa kunhuwira. Pamikova yedu panezvinonaka zvamarudzi ose, zvitsva nezvisharu, Zvandakakuchengetera, iwe mudiwa wangu.