Read Shona Union Version 2002 Ezekieri 15 Bible Online

Ezekieri 15 - Shona Union Version 2002 bible

Ezekieri 15

¹Zvino shoko raJehovha rakasvika kwandiri, richiti,

²“Mwanakomana womunhu, muti womudzambiringa unopfuura mimwe miti yose neiko, iro davi romudzambiringa riri pakati pemiti iri kudondo?

³Danda ringatorwapo rokuita basa naro here? Kana vanhu vangatorapo mbambo yokuturikisa mudziyo upi noupi here?

⁴“Tarirai, unokandirwa mumoto dzive huni; moto wapedza miromo miviri yawo, napakati watsvawo, zvino uchabatsira pabasa here?

⁵Tarirai, uchakanaka hauna kukwanira basa chose; ndoda zvino kana moto waupedza, kana watsva, ungakwaniri basa here!”

⁶Naizvozvo zvanzi naIshe Jehovha, “Somuti womudzambiringa pakati pemiti iri kudondo, wandakaisa kumoto dzive huni, saizvozvo ndakaisa vagere Jerusaremu pakuparadzwa.

⁷Ndichavarinzira chiso changu ndivaitire zvakaipa; vakabuda pamoto, asi moto uchavapedza; zvino muchaziva kuti ndini Jehovha, kana ndichivarinzira chiso changu ndivaitire zvakaipa.

⁸“Ndichaparadza nyika, nokuti vakandidarikira,” ndizvo zvinotaura Ishe Jehovha.