Read Shona Union Version 2002 NUMERI 29 Bible Online

NUMERI 29 - Shona Union Version 2002 bible

NUMERI 29

¹“Nomwedzi wechinomwe, nezuva rokutanga romwedzi, munofanira kuita ungano tsvene; hamufaniri kubata mabasa avaranda naro; rinofanira kuva kwamuri zuva rokuridza hwamanda naro.

²Munofanira kuuya nechipiriso chinopiswa, chive chinonhuwira zvakanaka kuna Jehovha, zvinoti: Nzombe imwe duku, negondohwe rimwe, namakwayana amakondohwe manomwe, egore rimwe, asina kuremara;

³nechipiriso chazvo choupfu, choupfu hwakatsetseka, hwakakanyiwa namafuta, zvegumi zvitatu panzombe, nezvegumi zviviri pagondohwe,

⁴nechegumi chimwe pagwayana rimwe nerimwe ramakwayana manomwe;

⁵nenhongo imwe yembudzi, chive chipiriso chezvivi, chokuyananisira nacho;

⁶kunze kwechipiriso chinopiswa pakugara kwomwedzi, nechipisiro chacho choupfu, nechipiriso chinopiswa nguva dzose, nechipiriso chacho choupfu, nezvipiriso zvazvo zvinodururwa, sezvakarairwa; chive chinonhuwira zvakanaka, chive chipiriso chinopisirwa Jehovha.

⁷“Nezuva regumi romwedzi wechinomwe munofanira kuita ungano tsvene; munofanira kuchema pamweya yenyu; musatongobata basa.

⁸Asi munofanira kuuya nechipiriso chokupisira Jehovha, chive chinonhuwira zvakanaka, zvinoti: Nzombe imwe duku, negondohwe rimwe, namakwayana amakondohwe manomwe egore rimwe; zvive zivisina kuremara kwamuri;

⁹nechipiriso chazvo choupfu, choupfu hwakatsetseka, hwakakanyiwa namafuta; zvegumi zvitatu panzombe, nezvegumi zviviri pagondohwe rimwe;

¹⁰nechegumi chimwe pagwayana rimwe nerimwe ramakwayana manomwe;

¹¹nenhongo imwe yembudzi, chive chipiriso chezvivi; kunze kwechipiriso chezvivi chokuyananisira nacho, nechipiriso chinopiswa nguva dzose, nechipiriso chazvo choupfu, nezvipiriso zvazvo zvinodururwa.

¹²Nezuva regumi namashanu romwedzi wechinomwe munofanira kuita ungano tsvene; hamufaniri kubata basa ravaranda naro; munofanira kuitira Jehovha mutambo wamazuva manomwe.

¹³Munofanira kuuya nechipiriso chinopiswa, chipiriso chinopiswa nomoto, chive chinonhuwira zvakanaka kuna Jehovha, zvinoti: Nzombe duku dzine gumi nenhatu, namakondohwe maviri, namakwayana amakondohwe ane gumi namana egore rimwe; zvive zvisina kuremara;

¹⁴nechipiriso chazvo choupfu, choupfu hwakatsetseka, hwakakanyiwa namafuta; zvegumi zvitatu panzombe imwe neimwe panzombe dzine gumi nenhatu, nezvegumi zviviri pagondohwe rimwe nerimwe pamakondohwe maviri;

¹⁵nechegumi chimwe pagwayana rimwe nerimwe pamakwayana ane gumi namana;

¹⁶nenhongo imwe yembudzi, chive chipiriso chezvivi; kunze kwechipiriso chinopiswa nguva dzose, nechipiriso chacho choupfu, nechipiriso chacho chinodururwa.

¹⁷“Nezuva repiri munofanira kuuya nenzombe duku dzine gumi nembiri, namakondohwe maviri, namakwayana amakondohwe ane gumi namana egore rimwe asina kuremara.

¹⁸Nechipiriso chazvo choupfu, nezvipiriso zvazvo zvinodururwa zvenzombe, namakondohwe namakwayana, zvakaenzana nokuwanda kwazvo, sezvakarairwa;

¹⁹nenhongo imwe yembudzi, chive chipiriso chezvivi; kunze kwechipiriso chinopiswa nguva dzose; nechipiriso chacho choupfu, nezvipiriso zvazvo zvinodururwa.

²⁰“Nezuva retatu munofanira kuuya nenzombe duku dzine gumi neimwe, namakondohwe maviri, namakwayana amakondohwe ane gumi namana egore rimwe, asina kuremara;

²¹nechipiriso chazvo choupfu, nezvipiriso zvazvo zvinodururwa zvenzombe, namakondohwe, namakwayana, zvakaenzana nokuwanda kwazvo, sezvakarairwa;

²²nenhongo imwe yembudzi chive chipiriso chezvivi; kunze kwechipiriso chinopiswa nguva dzose, nechipiriso chacho choupfu, nechipiriso chacho chinodururwa.

²³“Nezuva rechina munofanira kuuya nenzombe duku dzine gumi, namakondohwe maviri, namakwayana amakondohwe ane gumi namana egore rimwe, asina kuremara;

²⁴nechipiriso chazvo choupfu, nezvipiriso zvazvo zvinodururwa, zvenzombe, namakondohwe, namakwayana, zvakaenzana nokuwanda kwazvo, sezvakarairwa;

²⁵nenhongo imwe yembudzi, chive chipiriso chezvivi; kunze kwechipiriso chinopiswa nguva dzose, nechipiriso chacho choupfu, nechipiriso chacho chinodururwa.

²⁶“Nezuva reshanu munofanira kuuya nenzombe duku pfumbamwe, nemakondohwe maviri, namakwayana amakondohwe ane gumi namana egore rimwe asina kuremara;

²⁷nechipiriso chazvo choupfu, nezvipiriso zvazvo zvinodururwa, nenzombe, namakondohwe namakwayana, zvakaenzana nokuwanda kwazvo, sezvakarairwa;

²⁸nenhongo imwe yembudzi, chive chipiriso chezvivi; kunze kwechipiriso chinopiswa nguva dzose, nechipiriso chacho choupfu, nechipiriso chacho chinodururwa.

²⁹“Nezuva retanhatu munofanira kuuya nenzombe sere, namakondohwe maviri, namakwayana amakondohwe ane gumi namana egore rimwe, asina kuremara;

³⁰nechipiriso chazvo choupfu, nezvipiriso zvazvo zvinodururwa, zvenzombe, namakondohwe, namakwayana, zvakaenzana nokuwanda kwazvo, sezvakarairwa;

³¹nenhongo imwe yembudzi, chive chipiriso chezvivi; kunze kwechipiriso chinopiswa nguva dzose, nechipiriso chacho choupfu, nezvipiriso zvacho zvinodururwa.

³²Nezuva rechinomwe munofanira kuuya nenzombe duku nomwe, namakondohwe maviri, namakwayana amakondohwe ane gumi namana egore rimwe, asina kuremara;

³³nechipiriso chazvo choupfu, nezvipiriso zvazvo zvinodururwa, zvenzombe, namakondohwe, namakwayana, zvakaenzana nokuwanda kwazvo, sezvakarairwa;

³⁴nenhongo imwe yembudzi, chive chipiriso chezvivi; kunze kwechipiriso chinopiswa nguva dzose, nechipiriso chacho choupfu, nechipiriso chacho chinodururwa.

³⁵“Nezuva rorusere munofanira kuita ungano tsvene; hamufaniri kubata basa ravaranda naro.

³⁶Asi munofanira kuuya nechipiriso chinopiswa, chipiriso chinopiswa nomoto, chive chinonhuwira zvakanaka kuna Jehovha, zvinoti: Nzombe imwe duku, negondohwe rimwe, namakwayana amakondohwe manomwe egore rimwe, asina kuremara;

³⁷nechipiriso chazvo choupfu, nezvipiriso zvazvo zvinodururwa, zvenzombe, namakondohwe, namakwayana, zvinofanira kuenzana nokuwanda kwazvo, sezvakarairwa;

³⁸nenhongo imwe yembudzi chive chipiriso chezvivi; kunze kwechipiriso chinopiswa nguva dzose, nechipiriso chacho choupfu, nechipiriso chacho chinodururwa.

³⁹“Ndizvo zvamunofanira kuuya nazvo kuna Jehovha pamitambo yenyu yakatarwa, kunze kwemhiko dzenyu, nezvipo zvokuda kwenyu, zvive zvipiriso zvenyu zvinopiswa, nezvipiriso zvenyu zvoupfu, nezvipiriso zvenyu zvinodururwa, nezvipiriso zvenyu zvokuyananisa.”

⁴⁰Mosesi akaudza vana vaIsiraeri zvose zvakanga zvarairwa Mosesi naJehovha.