Read Shona Union Version 2002 NUMERI 33 Bible Online

NUMERI 33 - Shona Union Version 2002 bible

NUMERI 33

¹Ndidzo nzendo dzavana vaIsiraeri, pakubuda kwavo panyika yeIjipiti namapoka avo vachitungamirirwa naMosesi naAroni.

²Mosesi akanyora kusimuka kwavo nenzendo dzavo, arairwa naJehovha; ndidzo nzendo dzavo nokusimuka kwavo.

³Vakasimuka paRamesesi nomwedzi wokutanga, nezuva regumi namashanu romwedzi wokutanga; mangwanani akatevera Pasika vana vaIsiraeri vakabuda noruoko rune simba pamberi pavaIjipiti vose,

⁴vaIjipiti vachiviga matangwe avo ose, akanga aurawa naJehovha pakati pavo; Jehovha akatongawo vamwari vavo.

⁵VaIsiraeri vakasimuka paRamesesi, vakandodzika matende avo paSukoti.

⁶Vakasimuka paSukoti, vakandodzika paEtami, pamuuyo werenje.

⁷Vakasimuka paEtami, vakadzokera Pi‐hahiroti, pamberi peBhaari‐sefoni, vakadzika pamberi peMigidhori.

⁸Vakasimuka pamberi peHahiroti, vakapinda nomukati megungwa, vakasvika murenje; vakafamba mazuva matatu murenje reEtami, vakandodzika paMara.

⁹Vakasimuka paMara, vakasvika Erimi; paErimi pakanga pana matsime ane gumi namaviri emvura, nemiti yemichindwe ina makumi manomwe; vakadzika matende avo ipapo.

¹⁰Vakasimuka paErimi, vakandodzika paGungwa Dzvuku.

¹¹Vakasimuka paGungwa Dzvuku, vakandodzika murenje reSini.

¹²Vakasimuka murenje reSini, vakandodzika paDhofika.

¹³Vakasimuka paDhofika, vakandodzika paArushi.

¹⁴Vakasimuka paArushi, vakandodzika paRefidhimu, pakanga pasina mvura yokunwa yavanhu.

¹⁵Vakasimuka paRefidhimu, vakandodzika murenje reSinai.

¹⁶Vakasimuka murenje reSinai, vakandodzika paKibhuroti‐hatava.

¹⁷Vakasimuka paKibhuroti‐hatava, vakandodzika paHazeroti.

¹⁸Vakasimuka paHazeroti, vakandodzika paRitima.

¹⁹Vakasimuka paRitima, vakandodzika paRimoni‐perezi.

²⁰Vakasimuka paRimoni‐perezi, vakandodzika paRibhina.

²¹Vakasimuka paRibhina, vakandodzika paRisa.

²²Vakasimuka paRisa, vakandodzika paKeherata.

²³Vakasimuka paKeherata, vakandodzika pagomo reSheferi.

²⁴Vakasimuka pagomo reSheferi, vakandodzika paHaradha.

²⁵Vakasimuka paHaradha, vakandodzika paMakeroti.

²⁶Vakasimuka paMakeroti, vakandodzika paTahati.

²⁷Vakasimuka paTahati, vakandodzika paTera.

²⁸Vakasimuka paTera, vakandodzika paMitika.

²⁹Vakasimuka paMitika, vakandodzika paHashimona.

³⁰Vakasimuka paHashimona, vakandodzika paMoseroti.

³¹Vakasimuka paMoseroti, vakandodzika paBhene‐jakani.

³²Vakasimuka paBhene‐jakani, vakandodzika paHori‐hagidhigadi.

³³Vakasimuka paHori‐hagidhigadi, vakandodzika paJotibhata.

³⁴Vakasimuka paJotibhata, vakandodzika paAbhurona.

³⁵Vakasimuka paAbhurona, vakandodzika paEzioni‐gebheri.

³⁶Vakasimuka paEzioni‐gebheri, vakandodzika murenje reZini (ndipo paKadheshi).

³⁷Vakasimuka paKadheshi, vakandodzika pagomo reHori, pamuuyo wenyika yeEdhomu.

³⁸Aroni mupristi akakwira pagomo reHori, arairwa naJehovha, akafirapo, negore ramakumi mana rokubuda kwavana vaIsiraeri paIjipiti, nomwedzi wechishanu, nezuva rokutanga romwedzi.

³⁹Aroni wakanga ana makore ane zana namakumi maviri namatatu pakufa kwake pagomo reHori.

⁴⁰Zvino mambo weAradhi, muKenani, wakanga agere kurutivi rweZasi munyika yeKenani, akanzwa kuti vana vaIsiraeri vouya.

⁴¹Vakasimuka pagomo reHori, vakandodzika matende avo paZarimona.

⁴²Vakasimuka paZarimona, vakandodzika paPunoni.

⁴³Vakasimuka paPunoni, vakandodzika paObhoti.

⁴⁴Vakasimuka paObhoti, vakandodzika paIye‐aBharimi, pamuganhu weMoabhu.

⁴⁵Vakasimuka paIyimi, vakandodzika paDhibhoni‐gadhi.

⁴⁶Vakasimuka paDhibhoni‐gadhi, vakandodzika paArimoni‐dhibhurataimi.

⁴⁷Vakasimuka paArimoni‐dhibhurataimi, vakandodzika paAbharimu, pamberi peNebho.

⁴⁸Vakasimuka pamakomo eAbharimu, vakandodzika pamapani eMoabhu, paJorodhani paJeriko.

⁴⁹Vakadzika matende avo paJorodhani, kubva paBhetijeshimoti kusvika paAbherishitimu, pamapani eMoabhu.

⁵⁰Zvino Jehovha akataura naMosesi pamapani eMoabhu, paJorodhani paJeriko, akati,

⁵¹“Taura navana vaIsiraeri, uti kwavari, ‘Kana mayambuka Jorodhani, mukasvika munyika yeKenani,

⁵²munofanira kudzinga vanhu vose vagere munyika pamberi penyu, nokuparadza zvifananidzo zvavo zvamabwe, nokuparadza zvifananidzo zvavo zvakaumbwa, nokuputsa nzvimbo dzavo dzakakwirira.

⁵³Munofanira kutora nyika, ive yenyu, mugaremo; nokuti ndakakupai nyika iyo, ive yenyu.

⁵⁴Munofanira kupiwa nhaka yenyika iyo nemijenya, nemhuri dzenyu; vazhinji munofanira kuvapa nhaka zhinji, vashoma munofanira kuvapa nhaka shoma; sezvakagoverwa nemijenya, saizvozvo inofanira kuva nhaka yomunhu; munofanira kugara nhaka namarudzi amadzibaba enyu.

⁵⁵Asi kana musingadi kudzinga vanhu vagere munyika pamberi penyu, ipapo ivo kwavari vamunorega vachava sechinhu chinobaya pameso enyu, neseminzwa panhivi dzenyu, vacharwa nemi munyika mamugere.

⁵⁶Ipapo ndichakutirai imi sezvandakafunga kuvaitira ivo.’ ”