Read Shona Union Version 2002 Joshua 15 Bible Online

Joshua 15 - Shona Union Version 2002 bible

Joshua 15

¹Mugove worudzi rwavana vaJudha nemhuri dzavo wakasvikira pamuganhu waEdhomu, iko kurenje reZini kurutivi rwezasi, kusvikira zasi kwazvo.

²Muganhu wavo wezasi wakabva pamuganhu weGungwa roMunyu, kubva apo pakapinda nyika mugungwa, panotarira kurutivi rwezasi;

³ndokupfuura zasi kwegomo reAkirabhimi, ndokupfuura nokurutivi rweZini, ndokukwira nechenyasi kweKadheshi‐bharinea, ndokupfuura napaHezironi, ndokukwira napaAdhari, ndokudzoka napaKarika;

⁴ndokupfuura kusvikira paAzimoni, ndokubuda naparukova rweIjipiti; muganhu uyu ndokuguma pagungwa; ndiwo unofanira kuva muganhu wezasi.

⁵Muganhu wokumabvazuva wakatanga paGungwa roMunyu kusvikira pamuganhu waJorodhani. Muganhu worutivi rwokumusoro wakatanga apo panopinda nyika mugungwa kusvikira pamugumo waJorodhani,

⁶ndokukwira kuBheti‐hogira, ndokupfuura nokumusoro kweBheti‐arabha; muganhu ndokukwira kubwe raBhohani, mwanakomana waRubheni;

⁷muganhu ndokukwira nokuDhebhiri, uchibva pamupata weAkori, ndokudaro uchienda kumusoro wakatarisana neGirigari, pakatarisanazve negomo reAdhumimi, riri kurutivi rwezasi rworwizi; muganhu ndokupfuura napamvura yeEni‐shemeshi, ndokuguma paEni‐rogeri;

⁸muganhu ndokukwira napamupata womwanakomana waHinomi, kusvikira kurutivi rwavaJebhusi zasi (ndiro Jerusaremu); muganhu ndokukwira kusvikira pamusoro wegomo riri pamberi pomupata weHinomi kumavirazuva, uri pamugumo kwazvo womupata weRefaimu, kurutivi rwokumusoro.

⁹Muganhu ndokutarwa kubva pamusoro pegomo kusvikira kutsime remvura yeNefitoa, ndokuguma pamaguta pagomo reEfuroni; zvino muganhu ndokutarwa kusvikira Bhara (ndiro Kiriati‐jearimi).

¹⁰Muganhu ndokudzoka uchibva paBhara nokumavirazuva kusvikira pagomo reSeiri, ndokupfuura nokurutivi rwegomo reJearimi nechokumusoro (ndiro Kesaroni), ndokuburukira kusvikira paBheti‐shemeshi, ndokupfuura napaTimuna;

¹¹muganhu ndokupfuura kurutivi rweEkironi, kumusoro; muganhu ndokutarwa kusvikira paShikeroni, ndokupfuura napagomo reBhara, ndokupfuura paJabhuneeri; muganhu ndokuguma pagungwa.

¹²Muganhu wokumavirazuva wakasvika kugungwa guru nenyika yarwo. Ndiwo muganhu wavana vaJudha kunhivi dzose nemhuri dzavo.

¹³Asi wakapa Karebhu mwanakomana waJefune mugove pakati pavana vaJudha; sezvakarairwa Joshua naJehovha, akamupa Kiriati‐abha; Abha wakanga ari baba vaAnaki (ndiro Hebhuroni).

¹⁴Karebhu akadzingapo vanakomana vatatu vaAnaki, vaiti: Sheshai, naAhimani, naTamai, vanakomana vaAnaki.

¹⁵Akabvapo, akandorwa navaigara Dhebhiri; zita reDhebhiri kare raiva Kiriati‐seferi.

¹⁶Karebhu akati, “Munhu unorwa neKiriati‐seferi, akarikunda, ndichamupa mukunda wangu Akisa, ave mukadzi wake.”

¹⁷Ipapo Otinieri, mwanakomana waKenazi, mun’una waKarebhu, akarikunda; iye akamupa mukunda wake Akisa, akava mukadzi wake.

¹⁸Zvino iye wakati achisvika kwaari, akamukurudzira kuti akumbire munda kuna baba vake; zvino iye akaburuka pambongoro yake, Karebhu akati kwaari, “Unoreveiko?”

¹⁹Akati, “Ndipei chipo; zvamakandiisa kunyika yezasi, ndipeiwo matsime emvura.” Akamupa matsime okumusoro namatsime ezasi.

²⁰Ndiyo nhaka yorudzi rwavana vaJudha nemhuri dzavo.

²¹Maguta okumudzivo orudzi rwavana vaJudha kumuganhu waEdhomu zasi akanga ari Kabhezeeri, neEdheri, neJaguri;

²²neKina, neDhimona, neAdhadha,

²³neKedheshi, neHazori, neItanani;

²⁴neZifi, neTeremi, neBheroti;

²⁵neHazori‐hadhata, neKerioti‐hezironi (ndiro Hazori);

²⁶neAmamu, neShema, neMoradha;

²⁷neHazari‐gadha, neHeshimoni, neBheti‐pereti;

²⁸neHazari‐shuari, neBheeri‐shebha, neBhiziotia;

²⁹neBhaara, neIyimi, neEzemi;

³⁰neEritoradhi, neKesiri, neHoma;

³¹neZikiragi, neMadhamana, neSanisana;

³²neRebhaoti, neShirimi, neAini, neRimoni; maguta iwayo ose aiva namakumi maviri namapfumbamwe, pamwechete nemisha yawo.

³³Pabani pakanga pane Eshitaori, neZora, neAshina;

³⁴neZanoa, neEniganimi, neTapua, neEnami;

³⁵neJarimuti, neAdhuramu neSoko, neAzeka;

³⁶neSharaimi, neAdhitaimu, neGedhera, neGedherotaimi; maguta ane gumi namana, pamwechete nemisha yawo.

³⁷Zenani, neHadhasha, neMigadhari‐gadhi;

³⁸neDhirani, neMizipe, neJokiteeri;

³⁹neRakishi, neBhosikati, neEgironi;

⁴⁰neKabhoni, neRamani, neKiterishi;

⁴¹neGedheroti, neBheti‐dhagoni, neNaama, neMakedha; maguta ane gumi namatanhatu, pamwechete nemisha yawo.

⁴²Ribhina, neEteri, neAshani;

⁴³neIfuta, neShina, neNezibhi;

⁴⁴neKeira, neAkizibhi, neMaresha; maguta ana mapfumbamwe, pamwechete nemisha yawo.

⁴⁵Ekironi, nemisha yaro, nemisha miduku yaro;

⁴⁶kubva paEkironi kusvikira pagungwa, maguta ose akanga ari parutivi rweAshidhodhi, pamwechete nemisha yawo.

⁴⁷Ashidhodhi, nemisha yaro, nemisha miduku yaro; neGaza, nemisha yaro, nemisha miduku yaro, kusvikira kurukova rweIjipiti, napagungwa guru nenyika yaro.

⁴⁸Nokunyika yamakomo, Shamiri, neJatiri, neSoko;

⁴⁹neDhana, neKiriati‐sana (ndiro Dhebhiri);

⁵⁰neAnabhi, neEshitemo, neAnimi;

⁵¹neGosheni, neHoroni, neGiro; maguta ane gumi nerimwe, pamwechete nemisha yawo.

⁵²Arabhu, neDhuma, neEshani;

⁵³neJanimi, neBheti‐tapua, neAfeka;

⁵⁴neHumuta, neKiriati‐abha (ndiro Hebhuroni), neZiori; maguta mapfumbamwe, pamwechete nemisha yawo.

⁵⁵Maoni, neKarimeri, neZifi, neJuta;

⁵⁶neJezireeri, neJokidheami, neZanoa;

⁵⁷neKaini, neGibhea, neTimuna; maguta ane gumi, pamwechete nemisha yawo.

⁵⁸Harikuri, neBheti‐zuri, neGedhori;

⁵⁹neMaarati, neBheti‐anoti, neEritekoni; maguta matanhatu, pamwechete nemisha yawo.

⁶⁰Kiriati‐bhaari (ndiro Kiriati‐jearimi), neRabha; maguta maviri, pamwechete nemisha yawo.

⁶¹Murenje pakanga pane Bheti‐abha, neMidhini, neSekaka;

⁶²neNibhishani, neGuta roMunyu, neEni‐gedhi; maguta matanhatu, pamwechete nemisha yawo.

⁶³Asi vana vaJudha vakanga vasingagoni kudzinga vaJebhusi vakanga vagere Jerusaremu; asi vaJebhusi vakagara Jerusaremu pamwechete navana vaJudha kusvikira nhasi.