Read Shona Union Version 2002 1 JOHANI 1 Bible Online

1 JOHANI 1 - Shona Union Version 2002 bible

1 JOHANI 1

¹Izvo zvakanga zviripo kubva pakutanga, zvatakanzwa, zvatakaona nameso edu, zvatakatarira, nezvatakabata namaoko edu, zveShoko roupenyu

²(upenyu hwakaratidzwa, tikahuona, tinopupura nokukuparidzirai upenyu husingaperi, hwakanga huri kuna Baba, hukaratidzwa kwatiri):

³izvo zvatakaona, nezvatakanzwa, ndizvo zvatinokuparidziraiwo, kuti nemiwo muyanane nesu; kuyanana kwedu tinako naBaba, naMwanakomana wake Jesu Kristu.

⁴Zvinhu izvi tinokunyorerai, kuti mufaro wedu uzadziswe.

⁵Heyi mharidzo yatakanzwa kwaari, yatinokuparidziraiwo, kuti Mwari chiedza, hamuna rima maari.

⁶Kana tichiti, tinoyanana naye, tichifamba murima, tinoreva nhema, hatiite chokwadi;

⁷asi kana tichifamba muchiedza, saiye ari muchiedza, tinoyanana isu; neropa raJesu Kristu, Mwanakomana wake, rinotinatsa pazvivi zvose.

⁸Kana tichiti, hatina zvivi, tinozvinyengera, chokwadi chisiri matiri.

⁹Kana tichizvireurura zvivi zvedu, iye akatendeka akarurama, nokudaro anotiregerera zvivi zvedu, nokutinatsa pakusakarurama kwose.

¹⁰Kana tichiti, hatina kutadza, tinomuita murevi wenhema, neshoko rake harizi matiri.