Read Shona Union Version 2002 3 JOHANI 1 Bible Online

3 JOHANI 1 - Shona Union Version 2002 bible

3 JOHANI 1

¹Mukuru kuna Gayo, mudikanwi, wandinoda nechokwadi.

²Mudikanwi, ndinokunyengetera kuti ufare pazvinhu zvose, uye uve mukukutu, sokufara kwomweya wako.

³Nokuti ndakafara zvikuru hama dzichisvika dzichikupupurira chokwadi yako, dzichiti, unofamba muchokwadi.

⁴Handina mufaro unopfuura uyu, wokuti ndinzwe kuti vana vangu vanofamba muchokwadi.

⁵Mudikanwi, unobata basa rakatendeka pazvinhu zvose zvaunoitira hama navaeniwo;

⁶vakapupurira rudo rwako pamberi pekereke; uchaita zvakanaka kana uchivaperekedza nomutoo wakafanira Mwari.

⁷Nokuti vakabuda nokuda kweZita rake, vasingatori chinhu kuvahedheni.

⁸Naizvozvo isu tinofanira kugamuchira zvakanaka vakadaro, kuti tibatsirane pachokwadi.

⁹Ndakanyorera kereke; asi Dhioti refe, anoda kuva mukuru pakati pavo, anotiramba isu.

¹⁰Naizvozvo, kana ndichiuya, ndichayeudza mabasa ake aanoita, kuti anotiitira makuhwa namashoko akaipa; uye, haatendi naizvozvo bedzi, iye amene haagamuchiri hama, uye vakanga vachida havo anovadzivisa nokuvadzinga mukereke.

¹¹Mudikanwi usatevera chakaipa, asi chakanaka. Uyo, anoita zvakanaka, ndowaMwari; anoita zvakaipa, haana kuona Mwari.

¹²Dhemetirio anopupurirwa navanhu vose, uye nechokwadi chaicho; nesu tinopupurawo, newe unoziva kuti kupupura kwedu ndokwechokwadi.

¹³Ndakanga ndine zvizhinji zvandaida kukunyorera, asi handidi kukunyorera neingi nepeni;

¹⁴asi ndinotarira kuti ndichakurumidza kukuona, tigotaurirana nomuromo.

¹⁵Rugare ngaruve newe. Hama dzinokukwazisa. Ndikwazisire hama, mumwe nomumwe nezita rake.