Read Shughni یونس 1 Bible Online

یونس 1 - Shughni bible

یونس 1

¹یی مېٿ کَلوْم خُڎای یونُس، اَمِتای پُڅَرد نازِل سُت اَت یَمَند دِسگه لوْڤجِن ڤُد:

²«تَر ښأر غُلأ نینوا سأو اَت وی مَردُمَرد اِختار ڎه اِدی خُڎای یی لوْد: وېڤ بَدِیېنېن از نَظَر مو پِنهوْن نِست اَت وُز ته به جٲلدی وېڤ نابود کِنُم.»

³اَما یونُس خواهِښ دِسگه ڤُد ادی از خُڎای رِڅیٿت تٲم تَر ښٲر یافا توید اَت تَرَمی یی کِښتی وینت ادی یٲ تَر ښٲر تَرشیش چی تید ڤَد. یونُس خو کِرایی دأک چود اَت پی کِښتی مُسافِرېن قَتی سَوار سُت تا وېڤ قَتی از چَنگ خُڎای تَر ښٲر تَرشیش رِڅیٿت.

⁴اَما یوْدَند کِشتی از ساحِل ڎَر سَت، بېخِلیوَند خُڎای خَښ ښوځ رِماد اَت دوْندَرد خَښ ښُڅ ڤُد اِدی قَریب کِشتی غَرق سوْد.

⁵وَم کِشتی صاحبېنېن از ښاج خو جوْن، هر چِدوْم از خو خُڎای یاری تِلأپت. وأڎېن خو ویزېن اَر بَحر پتِێود تا کِشتی سَبُک سوْد. اَت اِکدی دوْند وَختَند یونُس راحَت وَم کِښتی اَمبار خوْنه یَند تَر خوڎم ڤُد.

⁶وَم کِښتی کَتَنَک تَر وی خېز سُت اَت قیودی: «یَم چیز گٲپ تُت بېخارَت څه ښاڤج؟ اَندِځ اَت پی خُڎای زارگی کِن! شاید مأش تی رحم کِښت اَت مأش نِجات ڎید!»

⁷تأمېن کِښتی صاحبېن تَصمیم اَنجوڤد قُرعه پِتېن اَت چِسېن از دَستی چِدوْم از وېڤ غَضب خُڎای سُڎج اَت ښاجِجِن طوفوْن څه سُڎج. تٲم قُرعه یونُس پَیغَمبَر نوْم تی وێښت.

⁸۸‏-۹ وأڎېن از وی پېښست: «تو مأشَرد لوْ چیزَرد اِکِد بَلا مأش تی یَٿچ؟ تُت چأی؟ تو کار چیز؟ از چِدوْم جایَت؟ از چِدوْم قَومَت؟» یونُس لوْد: «وُزُم عبروْنی اَت خُداوَند، خُڎای آسموْن، زَمٲڎ اَت بَحری پېڎا څه چوږج پَرَستِښُم.»

¹⁰ڤایی وېڤَرد لوْد: «از خُڎایُم رِڅوشچ.» وَخت وأڎېن دی څه ښُد لَپ ښاجېن ڎوید اَت لوْدېن: «چیزَردَت اِکدی کار چود؟»

¹¹یِد طوفوْن لَپ دی دَرَو سوْد اَت از وی یېن پېښست: «تو قَتی چیر کِنأم تا طوفوْن آروْم سوْد؟»

¹²یونُس پَیغَمبَری لوْد: «مو اَر بَحر پِتېت اَت بَحر ته ڤاگه آروْم کِښت، دِجٲت وُز ته فأمُم اِکدی ښاجِجِن طوفوْن از دَستی مو سُڎج اَت تَمه یَت مِس بَلاندی څه وێښچ.»

¹³اَما هر څوْندېن تلاش څه چود کِشتی تَر ساحِل فرِێپېن، کوْمیابېن نه سَت. طوفوْن از وی مِس خَښ دی سُت.

¹⁴تٲمېن وأڎ خُداوَند، خُڎای یونُس خېز دعا چود اَت لوْدېن: «اې خُداوَند، مأش بَخاطر گُناه اِکمی شَخص هلاک مأ کِن اَت مأش مَسول مأرگ می مأ فأم؛ دِجٲت مأڎ کارېنېن فُکَٿ خواست تو.»

¹⁵تٲمېن یونُس پَیغَمبَر زاښت اَت اَر ښَڅېن وی پِتێود اَت طوفوْن قَرار چود.

¹⁶وأڎېن از خُڎای لَپ ښاج ڎوید اَت قُربوْنی نَذرېن وِرد چود.

¹⁷تأم خُڎای غُلأ نَهَنگ باښت اَت یٲ یی از یونُس پَیغَمبَر اَباښت اَت یونُس پَیغَمبَر اَره ښٲب اَت مېٿ اَر وَم قیچ رېد.