Read Siane Hibulu 3 Bible Online

Hibulu 3 - Siane bible

Hibulu 3

¹Feito ya fele weninane-motao, Gotikafo okulumau wenina anae, loto maina wa molo betibo wenina hemotina ya Yesu yagunu hatina kifefe loti holilo. Emo ya aposolo ido sokila hi mu-mu abo we hiyabatina we wenaba huliya lo oloto molo-molo onibo we,

²ya emokafo wa molo edaibo we ononala moda fefe lotoko libo, ya Mosesekafo Goti weninala fefe lotoko hiyaba o betibo yamaidana oto moda fefe lotoko liye.

³Moda holiyafe? Numunala huibo we huliya yoto minoto, numunawa huliya ya li fulo edaibo yamaidana oto Yesu huliya ya yoto minoto, Mosese huliya ya li fulo edoto minanaiye, loto Gotikafo holi muibo ne.

⁴Numuna-amuna muki ya wenina yasi hu-hu abo idafa ya nefa, ido wenina, idafa-adafa, muki li oloto pibo we ya Goti ya ne.

⁵Ido Mosese ya Goti houba-nabala we minoto ya weninala hiyaba o betibo ononala fefe lotoko libo ya Gotikafo aliga lanowe, loto holibo ha ya lo oloto bi-bi aiye.

⁶Feto feyaifa, ido Kilisto ya Goti Hipala minoto ya weninala hiyaba o betibo ononala fefe lotoko libo ya leimo emogi maina minanune, loto dowa lotoko holito hiyaba o edo minonibo mona ya auba i hiki loto molomo uto fulinune, loto minanubo ya moda weninala ona minone, loto holinune. Isilaeli wenina holiti holiyámoti abo ha

⁷Feto yagunu ya Weuna Felekafo feto libo,Nola fefeluma eletifo holitima,

⁸ya lukafa umámilo.Ha holiti holiyámoti abo hamenalo lukafa muwabo yamaidana ámilo.Moda holiyafe? Hafali mikalo hepa molo nomabo hamenalo,

⁹ya awatinafo-holofatina yasi aubala nefe? minámife? loti hepa molo nomabo, ya melege foti (40) lulau ya aubane itibiyobo mona moda wa edotama nefa, ido ha holiti holiyámoti oti lukafa nomabo mona molo-molo o minabo ne.

¹⁰Feto feyabo yamagunu nemo ya aya weninawa hamena-hamena lutina-hatinau heleutoti holi hopaiti, nemo monaneholiti holiyámoti o minae, loto eleka naba-naba fi bito,

¹¹lune-hane molo nosámibo biyobo yagunu ya moda nemo monane use, loti mino holinabo monane ya ma liyámanae, loto ha auba ito onae, loto lowe, loto ha mono lufuwau (Sng 95:7-11) ya nebo ne.

¹²Yagunu ya mono weninane-motao, hemotina yauti mako ma lula-hala nosámageto holi hiki ladámoto nomuna hofawa nebo we Goti ya meya mutanaiye, loti ya wati monilo.

¹³Feto fe minabo, ya hamena onesa meleka Gotikafo eletifo ne, loto huliya molaibo hamena mino ledaido ya weninate yauti mako ma nosámibo monakafo hola iyageto, lukafa mutanaiye, loti hamena-hamena ha mono, adina li faka lo betinaibo ha ya loyolalo-melo oti minalo.

¹⁴Moda holiyafe? Apito holi hikito muwonidoti ya auba i hiki loto holiyonibo, ya aya monawa li hikitoto moni minoto fulinubo ya moda Kilistogi hutifina onibo weninala ona minone, loto holinune.

¹⁵Yagunu ya feto libo,Nola fefeluma eletifo holitima, ya lukafa umámilo.Ha holiti holiyámoti abo hamenalo lukafa muwabo yamaidana ámilo, loto ha mono lufuwau (Sng 95:7-8) nebo hawa ya moda lobiyowe.

¹⁶Ido wenina hema yasi ha holiti holiyámoti oti lukafa muwabo mona ya molo-molo o minae? Ya Mosesekafo Isipi ebaloti idipito aibo wenina muki yasi feto fe minae.

¹⁷Ido wenina hema ya Gotikafo melege foti (40) lulau ya eleka naba-naba fi bi ne? Ya nosámibo mona molo-molo abo wenina eleka fi bito, ya hafali mikau lumu fou loti fuliyato hono aubatina ya aya mikau ya nebo ne.

¹⁸Ido moda use, loti mino holinabo monane ya ma liyámanae, loto ha auba ito onae, loto lo molaibo ha ya wenina hema yagunu lo molaiye? Ya ha lido meyalo molámabo wenina yagunu lo molaibo ne.

¹⁹Feto ya use, loto mino holinubo monala linune, loti lafa, ido holi hikitina mináminako, moda ogofuwámae, loto holifefe loto holi minone.