Read Sidama_Qullaawa _Maxaafa KALAQAMA 10 Bible Online

KALAQAMA 10 - Sidama_Qullaawa _Maxaafa bible

KALAQAMA 10

¹Nohi ooso Seemi, Kaaminna Yaafeeti sirchi aane nooho: Sasunku oososi baote wayi gedensaanni ooso iltu.

²Yaafeeti ooso: Gomeeri, Maagoogi, Maadayi, Yawaani, Tubaali, Mesheekiitinna Tiraasiiti.

³Gomeeri ooso: Ashikenaazi, Rifaatiitinna Togariimaati.

⁴Yawaani ooso: Eliisha, Terseesi,[11] Kitiimiitinna,[12] Rodaaniimiiti[13]

⁵Kuri baalunku baaru gamiranna giddichuwate heedhannorira Yaafeeti sirchira akaakkate; kuri giddonnino, gobba gobbansaranna gosa gosansara beehame hee'ranno manni no; mitte mittenti gosa coyidhannohu uminsa qaali noonsa.

⁶ Kaami ooso: Kuushi, Mitsirayimi[14] Fuuxiitinna[15] Kana"aaniiti.

⁷Kuushi ooso: Saaba, Hawiila, Saabita, Raaimaatinna Sabitekaati. Raaima ooso, Saabaatinna Dedaaniiti.

⁸Kuushi kalqete aana umiha wolqaataamo ikkinoha Namiruudi ili.

⁹Namiruudi Kaaliiqi wolqanni jawaata ugaaxaanchooti; kunnira manna, «Kaaliiqi Namiruudi gedeeha jawaata ugaaxaancho assohe» yinanni maassi'nanni.

¹⁰Namiruudi gashshooti Senaoori noore umire 3 katamma, Baabilooni, Erekinna Akaadi giddo amadanno.

¹¹Hakkiinni sae, Asoori iille Nennewe, Rehoobooti-Eerinna, Kalaahi,

¹²hattono Nennewenna Kalaahi mereero nooha Reeseeni yinanni katama uurrisi. Kalaahi jawa katamaati.

¹³Mitsirayimi: Luudi, Anaami, Lehaabi, Naafituhi,

¹⁴Filisxeemete akaakka ikkitinorira Fetiroosi, Kereetinna Kasiluhi gosara annaho.

¹⁵Kana"aani ooso bayiru Sidoonaati; maa'nu Heetiiti.

¹⁶Wolootu Kana"aani sirchi Iyaabuusootaho, Amooraawootaho, Gergesootaho,

¹⁷Hiwootaho, Arqootaho, Siinootaho,

¹⁸Ariwaadootaho, Tsemarootahonna Hamaatootaho; yannate gedensaanni, addi additi Kana"aani gosa gobba baala tuqqu.

¹⁹Kunni garinni, Kana"aanootu danni Sidoonanni kayise, wodiidoonni Geraari mule noohu Gaazu geeshsha, soojjaatoonni Soddoomu, Gomooru, Adaamanna Laashai mule noohu Tseboyimi geeshsha iillanno.

²⁰Kuri baalunku Kaami sirchi, addi addi gosaranna gobbara beehante heedhanno; mitte mittenti gosa uminsa qaalinni coyidhanno.

²¹Yaafeetihu bayiru rodii Seemi Eeboori sirchira ahaahoho.

²²Seemi ooso: Elaami, Asuuri, Arfakisaadi, Luudiitinna Araamiiti.

²³Araami ooso: Uutsi, Huuli, Geteeriitinna Mesheekiiti;

²⁴Arfakisaadi Sheelahi ili; Sheelahi Eeboori ili;

²⁵Eeboori lame ooso ili; umihu ilami yannara mannu beehamino daafira Faleeqi[16] yaamami; layinkihu Yoqixaani yinanniho.

²⁶Yoqixaani ooso: Alimodaadi, Sheleefi, Hatsarimaweeti, Yeerahi,

²⁷Hadoraami, Uzaali, Diqila,

²⁸Oobaali, Abimaeeli, Saaba,

²⁹Ofiiri, Hawiilaatinna Yobaabiiti; kuri baalunku Yoqixaani sirchooti.

³⁰Insa heedhino baatto Meesha yinanniwiinni kayisse, soojjaati ragaanni noota ilaalaame Seefaari gobba geeshsha iillitanno.

³¹Kuri baalunku Seemi sirchi, addi addi gosaranna gobbara beehante heedhanno; mitte mittenti gosa uminsa qaalinni coyidhanno.

³²Kuri ga're ga'rensanni beehantinori Nohi ooso sirchooti; baote wayi gedensaanni, baattote aana hee'ranno manni baalunku ilaminohu tenne Nohi oosonniiti.