Read Sidama_Qullaawa _Maxaafa KALAQAMA 5 Bible Online

KALAQAMA 5 - Sidama_Qullaawa _Maxaafa bible

KALAQAMA 5

¹Maganu manna kalaqi waro, danisinni, labbaahanna meyata asse kalaqino; maassi'rinonsa; su'mansano, «Manna» yee fushshino. Addaamiti ilamate sinna kawiinni aante noote:

³Addaami 130 diro ikkisita, iso umosi lawannoha labbaa beetto ili; su'mano Seeti yee fushshisi.

⁴Hakkunni gedensaanni, Addaami 800 diro hee'ri; wole labballonna seenne ili;

⁵930 diro ikkisita reyi.

⁶Seeti 105 diro ikkisita Heenoosi ili;

⁷hakkunni gedensaanni, Seeti 807 diro hee'ri; wole labballonna seenne ili;

⁸912 diro ikkisita reyi.

⁹Heenoosi 90 diro ikkisita Qayinaani ili;

¹⁰hakkunni gedensaanni, 815 diro hee'ri; wole labballonna seenne ili;

¹¹905 diri ikkisita reyi.

¹²Qayinaani 70 diro ikkisita Melaalieeli ili;

¹³hakkunni gedensaanni 840 diro hee'ri; wole labballonna seenne ili;

¹⁴910 diro ikkisita reyi.

¹⁵Melaalieeli 65 diro ikkisita Yaaredi ili;

¹⁶hakkunni gedensaanni 830 diro hee'ri; wole labballonna seenne ili;

¹⁷895 diro ikkisita reyi.

¹⁸Yaaredi 162 diro ikkisita Heenooki ili;

¹⁹hakkunni gedensaanni 800 diro hee'ri; wole labballonna seenne ili;

²⁰962 diro ikkisita reyi.

²¹Heenooki 65 diro ikkisita Matusaala ili;

²²hakkunni gedensaanni, Heenooki Maganu ledo qaafanni 300 diro hee'ri; wole labballonna seenne ili;

²³365 diro ikkasi geeshsha hee'ri;

²⁴Heenooki Maganu ledo qaafanni hee'rino; Maganu haa'rinosi daafira dianfoonnisi.

²⁵Matusaali 187 diro ikkisita Laamehi ili;

²⁶hakkunni gedensaanni, 782 diro hee'ri; wole labballonna seenne ili;

²⁷969 diro ikkisita reyi.

²⁸Laamehi 182 diro ikkisita labbaa beetto ili.

²⁹«Kuni beetti Maganu rumino baatto aana daafuru loosinkenni fooliishshiishannonke» yee su'ma «Nohi»[8] yee woshshisi.

³⁰Hakkunni gedensaanni, Laamehi 595 diro hee'ri; wole labballonna seenne ili;

³¹777 diro ikkisita reyi.

³²Nohi 500 diro ikkisihu gedensaanni, sase labballi ooso ili; insano Seemi, Kaaminna Yaafeeti yinannireeti.