Read Sidama_Qullaawa _Maxaafa LAYINKI SAAMUEELI 1 Bible Online

LAYINKI SAAMUEELI 1 - Sidama_Qullaawa _Maxaafa bible

LAYINKI SAAMUEELI 1

¹Saaooli reyi. Hatte yanna giddo Daawiti Amaaleqoota qeele hige, Tsiqilaagi 2 barra keeshshi.

²Sayikki barra mittu wedellichi olu qachi Saaoolihunni kae dayi. Isino dadillesi leellishara uddanosi dare umisi aana buko giggishshi're no. Daawitiwa shiqe ayirrinyunni umo heeshshi yee keere haa'ri.

³Daawitino, «Ati maminni dayitto?» yee xa'misi. Isino, «Israeelootu qachi olunnihunni gate fule dayommo» yee dawari.

⁴Daawitino, «Hanni ikkinore kulie» yiisi. Isino, «Mannu oluwiinni xooqino; olu giddono lowo manni reyino. Saaoolinna beettisi Yoonaataanino reyitino» yii.

⁵Daawitino, «Saaoolinna Yoonaataani reyitinota hiitto ikkite afitto?» yee xa'misi.

⁶Wedellichuno, «Ani hakkawoyite Gilboa Ilaali aana noommo. Saaooli urdesi siqqi're hee'reenna, diinu faradi gaarenna faradaasine isiwa iillitinore afoommo.

⁷Isino badhe hige caaqqi yee ane afe woshshinoe. «Anino, ‹Mooticha'ya yee› yoommo.

⁸Ewelumma'ya xa'meennae Amaaleqicha ikkoommota kuloommosi.

⁹Isino, ‹Lowo geeshsha madi'roommo daafira reyammoraatina, amo dagge shiie› yiinoe.

¹⁰Anino gatannokkita afoommo daafira mare qase shoommo. Hakkunni gedensaanni ayirrinyu ba'latto umisi aaninni hoole, gumesino angasinni fushshe haa'roommo. Mooticha'ya kune haa'roommoreno atera abboommohe» yii.

¹¹Daawitino dadille uddanosi dari; ledosi noori baaluno isinte gede assitu.

¹²Olunniwa lowo manni reyino daafira Daawitinna ledosi manni Saaoolira, Yoonaataaniranna Kaaliiqi olanto ikkitinorira Israeelete manni baalaho hashsha geeshsha ita aga agurte lowo geeshsha hururante wi'litunsa.

¹³Daawitino duduwo haa're abbiha hakkonne wedellicha, «Ateti gobbakki mamaati?» yee xa'misi. Isino, «Ani gobbakkira xalatimma hee'ranno Amaaleqichi beettooti» yee dawarisi.

¹⁴Daawitino, «Kaaliiqi buurinoha hiitto seyatte shaattora dandiitto?» yiisi.

¹⁵Qoleno, «Kaaliiqi buurinoha shoottota afiikkinni farci'rootto daafira, ati umikki xa'mamatto» yee kae, mannisi giddonni mitto woshshe, «Amo dagge shii» yii. Manchuno daye Amaaleqicha shii.

¹⁷Daawiti Saaooliranna beettisi Yoonaataanira kule wi'lino.

¹⁸Tenneno Yihudu manni rosanno gede hajajino. Kuni coyino Yashaari Maxaafira borreessame no. Daawiti,

¹⁹«Israeele, ayirrinyikki gaaru aana qanseenna reyino; wolqaataammu hiitto togo ikkite ubbu!

²⁰Filisxeemete meenti hagiidhannona, maganiweelo gosa seennino ilillisannona, konne coye Gaati Katamira dudubbinoonte. Asiqeloona gudumaalirano hasaabbinoonte.

²¹«Ki'ne Gilboa ilaalla, wolqaataammu wonqo hakko ubbe shollitinona, Saaooli wonqo nafa zayitetenni fiinannikki gede ikkite gattinona, xeenunna loju dirroonke'ne; aana'ne mitturino mu'roonke.

²²Yoonaataani digaani shiikkinni dihigannoho; Saaooli biseno mararro nookkiha guddannote. Wolqaataamma gante hiiqqaqqitannote; diinano shitannote.

²³Saaoolinna Yoonaataani mannu baxanno danchuulleeti; reyo heeshshora dibaxxitannoreeti. Allamurchunni roore rakkannoreeti; doobbiichunni roore jawaattinoreeti.

²⁴«Israeelete meento, faayya duumo imaana uddisiisino'nehura, culkunninna ilkunni biifisino'nehura Saaoolira wi'lesi.

²⁵«Wolqaataammu olu giddo hiitto ikkite ubbu! Yoonaataanino ilaallate aana uwe reyino.

²⁶«Rodoo'ya Yoonaataani, ani atera manchitoommo; ati anera lubbote jaalaatiwe. Ate baxilli anera dhaggenniho; meyate baxillinni rooreho.

²⁷«Wolqaataammu hiitto ikkite ubbu! Olu bagadino hiitto ikke bai!» yaanni kule wi'li.