Read Sidama_Qullaawa _Maxaafa LAYINKI SAAMUEELI 4 Bible Online

LAYINKI SAAMUEELI 4 - Sidama_Qullaawa _Maxaafa bible

LAYINKI SAAMUEELI 4

¹Saaooli beetti Iyaabuste Abeneeri Kebirooni shinoonnita macciishshe maseenna wolqa ba'usi; Israeele baalano masse jalli yitu.

²Iyaabustera gaadaanote albisoota ikkitinori 2 gaadaannuwa noosi. Insa Biiniyaami ga'renni Be"erooti Katami ilama ikkitinori Remooni ooso Beaanaatinna Rekaabiiti. Be"erooti Katami Biiniyaami gobba widira kiiramanno.

³Be"erooti hee'rannohu albi manni darame ha're Gitayimi Katamira hee'ranno; techo geeshsha hakko no.

⁴Saaooli beettira Yoonaataanira Memfeboste yinannihu mittu naafichu beetti noosi. Saaoolinna Yoonaataani reyitanno waro ontu diriho. Reyonsa duduwi Iyiziraeelete Kataminni dayita, awuutosi bayidhe xooqqanni heedheenna badhesenni uwe hiiqqame naaficha ikkino.

⁵Be"erootichu Remooni ooso Rekaabinna Beaana barru taalo arrishsho iibbite heedheenna, marte Iyaabuste minira iillitu. Hatte yannara isi mine fooliishshi're goxe no.

⁶Mitte mine agarte noo mancho qamade sodhitanni heedhe goxxe ba'eenna, Rekaabinna rodiisi Beaana suutunni minira e'u.

⁷Minira e'e Iyaabuste goxe noowa marte qasse shitu. Shituhu gedensaanni umosi murte haadhe hashsha hadhanni galte Yordaanoosi lagicha tayisse fultu.

⁸Iyaabuste umo haadhe Daawitiwa Kebirooni iillite, «Shaahera hasanni hee'rannohu baarigaarikki Saaooli beetti Iyaabuste umo lai kuneeti! Moote, kune Kaaliiqi techo Saaoolinna maatesi rabbisinohe» yitusi.

⁹Daawitino, «Qarru baalunni gatisinoehu Heeshshote Kaaliiqi afanna,

¹⁰dancha duduwo abbinoha laweennasi, ‹Saaooli reyino› yee kulinoeha nafa amade Tsiqilaagi shiishiishoommo; dancha duduwooti yee kulinoehura qorichasi oommo.

¹¹Mine ma'nasira goxe nooha keeraancho mancho shitinoriti hakkiinni sa'inote. Assitinoonni bunshera ki'ne baattote aaninni co'o asse gudeemmo» yii.

¹²Daawitino lamenka shitanno gede olantosi hajaji. Olantosi insano shite angansanna lekkansa murte Kebirooni kofamete mule massite suttu. Iyaabuste umo massite Abeneeri moogiwa Kebirooni madaartu.