Read Sidama_Qullaawa _Maxaafa LAYINKI MOOTOOLLA 22 Bible Online

LAYINKI MOOTOOLLA 22 - Sidama_Qullaawa _Maxaafa bible

LAYINKI MOOTOOLLA 22

¹Iyosiyaasi moohinohu 8 dirisinniiti. Yerusaalame teesso assi're Yihuda 31 diro gashshino. Amasi Yidiida Botsiqaati Katami manchi Aadiya ilinote.

²Iyosiyaasi Kaaliiqi baxanno coye assino. Guranna qiniite higikkinni albi annisi Daawiti ha'rino doogo ha'rino.

³Iyosiyaasi moohihunni tonaa settikki diro, Meshulaamira beettu beetti Atsaaliya ilinoha mootete mini borreessaancho Saafaani Qullaawu Minira soye,

⁴«Qeesootu roorrichiwa Hiliqiyawa marte, Qullaawu Mini waalchira agarte mannu abbanno woxe gamba assitanno gede worroonni qeesooti mageeshshiha gamba assitinoro buuxi.

⁵Qeesootu roorrichino woxe Qullaawa Mine gatamarsiissannorira aanno gede worroonni mannira oona kuli. Insano woxe,

⁶haqqunni mintannorira, kincho boccannoriranna kinchunni mintannorira baattona; gatamarshaho ikkitanno haqqenna boncoonni kinna hirtona.

⁷Loosoho annimma uyinoonniri lowo geeshsha ammanantinore ikkitinohura, woxu fulanno gara xa'mannonsahu dihasiisanno» yii.

⁸Hiliqiya borreessaanchu Saafaanira, «Seeru Maxaafa kawiichinni Qullaawu Mininni afoommo» yee uyi. Saafaanino haa're nabbawi.

⁹Hakkunni gedensaanni mootenniwa mare, «Soqqamaanokki Qullaawa Mine noo woxe haadhe loosiissannorira uyitino» yee kulisi.

¹⁰Qoleno, «Hiliqiya konne maxaafa haa're anera uyino» yee, maxaafa mooteteno nabbawisi.

¹¹Moote Seeru Maxaafa nabbawanna macciishshe masillunni uddanosi dari.

¹²Hakkunni gedensaanni Hiliqiyara, Saafaani beetti Ahiqaamira, Mikaya beetti Akiboorira, mootete mini borreessaanchira Saafaaniranna mootete soqqamaanchira Asayara,

¹³«Martine aninna Yihudaho hee'ranno manni kunni maxaafi giddo noo coye buuxa dandiineemmo gede Kaaliiqa xa'me. Akaakkanke Kaaliiqira hajajama gibbino daafiranna kunni maxaafi giddo kulloonni coyeno wonsha hoogginohura Kaaliiqi hanqinonke» yiinsa.

¹⁴Hiliqiya, Ahiqaami, Akiboori, Saafaaninna Asaaya Yerusaalamete haaro minnoonni minnara heedhannotewa Hulda yinanni himanaanchowa marte sonkoonni coye xa'mituse. Ayiddaannise Shaluumi Harihaasi beetti beetti Tequwa ilinoho. Isi Qullaawu Mini imaanira annimma uyinoonnisiho. Insano himanaanchote coye seekkite kultuse.

¹⁵Himanaanchono, «Anewa ki'ne soyi mootera martine,

¹⁶‹Ani Israeelete Magani Kaaliiqi Yihudu mootera nabbambi maxaafi giddo borreessinoonni garinni Yerusaalamenna giddose noo manna baala qorichisheemmo.

¹⁷Insa ane agurte wole magannara kakkaltino; angansanni seekkidhino maganna magansi'ratenni ane hanqissinoe; Yerusaalamete hanqoommohu hanqi'ya buwannota ikkinnina diqiidanno.

¹⁸Mootete daafirano ikkiro, Israeelete Magani Kaaliiqi: Ati hakko maxaafira kulloonni coye macciishshootto;

¹⁹Yerusaalamenna giddose noo manna qorichishe rumonnihanna bararraanqanniha asseemmota macciishshitto yannara, umokki shollishshe dadillunni uddanokki darte wi'litanni aagintaawootto. Anino huuccattokki macciishshoommo.

²⁰Ati lubbotenni nootto geeshsha Yerusaalame diqorichisheemmo; ati qarra afittokkinni reyatto gede asseemmohe› yiino yitine kullesi» yitunsa. Mannuno tenne sokka haa're moote Iyosiyaasiwa higi.