Read Sidama_Qullaawa _Maxaafa UMI DUDUWO 11 Bible Online

UMI DUDUWO 11 - Sidama_Qullaawa _Maxaafa bible

UMI DUDUWO 11

¹Israeele baalanti Kebirooni Daawitiwa dagge, «Ninke maalakkiitinna mundeekkiiti.

²Alba Saaooli mootenke ikke noo waro, Israeelete mannira gaadaanni ateeti. Qoleno Maganikki Kaaliiqi, ‹Manni'yara Israeelete albisatto; mootensano ikkatto› yiinohe» yitusi.

³Israeelete geerri baalunku Daawitiwa Kebirooni dagginohu kunniraati. Moote Daawitino Kebirooni Kaaliiqi albaanni insa ledo gondooro ei. Insano Kaaliiqi Saamueeli widoonni qole coyi'rino garinni Daawiti buurte Israeelete moote assitusi.

⁴Mitto barra moote Daawiti Israeelete manni baalu ledo ha're Yerusaalame qasi. Hatte yannara Yerusaalamete Katama, Yabuusi yinanni. Balaxxe hatte gobbara heedhannori Iyaabuusootaho.

⁵Insa Daawiti, «Horonta kawiira dieatto» yitusi. Daawiti kayinni Tsiyooni seekkidhino qiisho amadi. Hakkunni gedensaanni hakkonne darga, «Daawiti Katamaati» yini.

⁶Daawiti balaxe, «Iyaabuusoota qasannohu olantote hajajaancho ikkanno!» yiino. Tseruya beetti Iyoaabi balaxe ha're Iyaabuusoota qase olantote hajajaancho ikki.

⁷Daawiti mare qiishote giddo hee'rino daafira hakkiicho, «Daawiti Katamaati» yini.

⁸Daawiti gaaraho Soojjaatoonni wonshinoonni booninni kayise gaaru gaangaawira noo katama gatamari. Iyoaabino gatino widiido gatamari.

⁹Olantote Mootichi Kaaliiqi ledosi noo daafira, Daawitira yanna yannantenni gashshootu wolqa lexxitusi.

¹⁰Kunninni aante noori egennantinori Daawiti olanto, wolootu Israeelooti ledo Kaaliiqi coyi'rino garinni Daawiti moohanno gede kaa'litino. Gashshootisino jawaatanna wolqaataamo ikkanno gede assitino.

¹¹Insano umihu Hakimooni boosaalli giddonni Yashobiaamiiti. Isi sasu[9] wolqaataammi albisaati. Isi urde amade 300 diini ledo olame mittu oli callunni baalanka shee gudino.

¹²Sasu wolqaataammi giddonni layinkihu Ahoohi boosaallihu Doodo beetti Aliaazaariiti.

¹³Filisxeemootu Pasidemiimi yinanniwa olaho fultu yannara Aliaazaari Daawiti ledo gaadino. Israeelootu xooqqu yannara isi hayixu fishshi giddo no.

¹⁴Ledosi noo manni ledo fishshu giddo Filisxeemoota qase ittisi. Kaaliiqino lowo qeelle uyisi.

¹⁵Mitto barra Filisxeemootu Refayimi Lagichira heedheenna, 30 bagadaano giddonni sasu Daawiti noowa Adulaami godi mule noo kinchiwa martu.

¹⁶Hatte yannara Daawiti qiinshoonni gaari aana hee'reenna, Filisxeemootu olanto giddonni mitte gaamo Beeteliheme amaddu.

¹⁷Daawiti gobbasi sinsinnaawe, «Beetelihemete waalchi mule noo buicho waa magarinni afi're ago ikka?» yii.

¹⁸Sasunku wolqaataammu konne coye macciishshite Filisxeemete qacha tayisse sa'e buichotenni waa hinkiilte Daawitira abbitusi. Isi kayinni aga agure Kaaliiqira kakkalo ikkanno gede uulla dunino.

¹⁹Qoleno, «Konne waa ageemmokki gede Maganu agaroe! Anera konne waa aga, lubbonsa hunte hadhino wolqaataammi mundee agate yaate» yee waa aga giwi. Kunni aleenni ikkino coyi kuri sasunku bareedda assitinoho.

²⁰Iyoaabi rodii Abisa 30 bagadaanora roorrichaho. Isino urdetenni 300 manni ledo olame baalanka shee gude, hakkuri sasunku wolqaataammi gede maccaha ikki.

²¹Abisa sasunku giddo lowo geeshsha maccaha ikkino daafira insara roorricha ikkino. Ikkollana, hakkuri sasu wolqaataammi geeshsha di"ikkino.

²²Qabitsieeli gobbahu Yoodahe beetti Beenaya yinannihu mittu bareedu manchi no. Isi egennantinore 2 Moaabi olanto calla ikkikkinni, bullaame kaade dirritanni heedheenna fule balete giddora e"e, doobbiicho shee bareendesi leellishino.

²³Qoleno Beenaya siqqo calla anga adhe mare, mittu hojja 5 cigile ikkannohu Gibitsete manchi anganni amaxxe noota jawa amaxxo qiqqishe haa'rino. Manchono umisi bagadinni qase shiino.

²⁴Wolootu sasunku wolqaataammi assitinonte gede Beenaya leellishino bareende tenneeti.

²⁵Isi sajjuunku wolqaataammi giddo egennaminoha ikkirono, sasunku bareedda geeshsha di"ikkino. Daawiti iso agaraanosira roorricha asse wodhi.

²⁶Sajjuunku giddo kiirantannori su'mi kunninni aane no: Iyoaabi rodii Asaheeli, Beetelihemennihu Doodo beetti Elihanaani; Haroodootu Shaamootinna, Peloonichu Heletsi, Teqoichu Iqeeshi beetti Irra, Anatootichu Abieezeri, Hushichu Sibekayi; Ahoohichu Iilayi, Nexofichu Mahirayi, Nexofichu Beaana beettisi Heleedi, Biiniyaami gobbara Gibia ilama ikkinohu Riibayi beetti Itayi, Piriatoonichu Beenaya, Ga"aashi mule noo laggara ilaminohu Hurayi, Arabichu Abieeli, Barihuumichu Azimaaweeti, Shalbonichu Eeliyaahiba, Gizoonichu Hasheemi, Hararichu Shagge beetti Yoonaataani, Hararichu Saakaari beetti Ahiaami, Uuri beetti Eelifali, Mekeerichu Hefeeri, Peloonichu Akiya, Qermeloosichu Heetsiro, Azibayi beetti Nairayi, Naataani rodii Iyueeli, Hagiri beetti Mibihaari, Amoonichu Tseleqi, Tseruya beetti Iyoaabira bagado duhannohu Be"eraatichu Nahirayi, Yatiirootu Irranna Gaareebi, <pb(...)