Read Sidama_Qullaawa _Maxaafa UMI DUDUWO 13 Bible Online

UMI DUDUWO 13 - Sidama_Qullaawa _Maxaafa bible

UMI DUDUWO 13

¹Moote Daawiti mittu mittunku kumunna xibbu olanto hajajaano ledo ma'le,

²Israeelete manni baalunkura, «Ki'ne sumuu yitinironna Maganinke Kaaliiqi yiinoha ikkiro, gatinohu gobbanke manni, Qeesootunna Leewaawootu heedhannowa hayissote gobba gaangeessite noo katamma mannira manna sonke dagge ninkenni xaaddanno gede kullonsa.

³Hakkunni gedensaanni Saaooli yannara sammi yine agurroonniha Maganunniha Gondooru Taaboota marre abbineemmo» yii.

⁴Mannu baalunku tenne hedo hagiidhe baxi.

⁵Daawitino Gondooru Taaboota Qiriyaati-Yiariiminni Yerusaalame abbate wodiidoonni Gibitsete danni geeshsha, aliyyeenni Hamaati sa'nanni faro geeshsha nooha Israeelete manna baala gamba assi.

⁶Daawitinna mannu baalu kirubeelira iimaanni ofollino Kaaliiqi su'ma woshshinanniha Maganinsa Kaaliiqiha Gondooru Taaboota abbitara Yihudu gobbara Ba"aala yinanniha Qiriyaati-Yiariimi Katama hadhu.

⁷Gondooru Taaboota Abinaadaabi mininni fushshite haaro gaarera hogombeenna gaare Oozanna Ahiyo massaggu.

⁸Daawitinna Israeelete manni baalu maasinqo, bagananna dibbe gantanni, tsenaatsile gantanninna xurumba ufuuffanni faarsitanni, noonsa wolqa baalatenni Maganu ayirrinyira qeexaa'litu.

⁹Kiidooni ayiddummewa iillitu yannara kayinni, gaare goshooshshanni noo bootta gaggabbino daafira Ooza Gondooru Taaboota hiixate angatenni amade irkisi.

¹⁰Togo assasinni Magano qoosino daafira, Kaaliiqi lowo geeshsha hanqe qoomisi. Kunnira Ooza hakko Kaaliiqi albaanni reyino.

¹¹Kaaliiqi Ooza qoomino daafira Daawiti xe'aawi. Hakkonne dargano techo geeshsha, Faareesi Ooza[10] yinanni.

¹²Hakko barra Daawiti Magano waajje, «Tini nooha ikkiro Gondooru Taaboota hiissammora haa're ha'reemmoyya?» yii.

¹³Kunnira Kaaliiqi Taaboota umisiwa Yerusaalame haa're ha'ra agure, Gaati Katamira noohuwa Abidaara minira haa're massi.

¹⁴Kaaliiqi Taabooti Abidaara mine 3 agana keeshshi. Kaaliiqino Abidaara, maatesinna afi'rinore baala maassi'risi.