Read Sidama_Qullaawa _Maxaafa UMI DUDUWO 18 Bible Online

UMI DUDUWO 18 - Sidama_Qullaawa _Maxaafa bible

UMI DUDUWO 18

¹Shiima yanna keeshshe Daawiti Filisxeeme qase qeeli. Gaati Katamanna qooxeessisira noo qachano amadi.

²Hakkiinni aanche Moaaboota qase qeele gabbartannosi gede assi'ri.

³Tsooba moote Hadaadiezeeri aleenni Efiraaxisi Wayi mule noo gobba amadara gaadi yannara, Daawiti iso Hamaati gobba iilla geeshsha qasino.

⁴Daawiti Hadadiezeerire 1,000 faradi gaare, 7,000 faradi gaare gantannorenna 20,000 lekkatenni noo olanto qafadi. Gaare goshooshannoha 100 farado umisira gatisi're, hakkuyi ka'ire dagaado mure agurino.

⁵Demaasiqote hee'rannohu Sooriyu manni Tsooba moote Hadadiezeeri kaa'late manna soyi yannara, Daawiti olanto hakko manni giddonni 22,000 manna shitu.

⁶Hakkunni gedensaanni Daawiti Sooriyu gobbara olanto kunseentannowa qixxeessi. Sooriyootuno angasira higge isira giwire uyitannore ikkitu. Kaaliiqi Daawitira ha'ri faro baalate qeelle uyisi.

⁷Daawitino Hadadiezeeri ledo gashshaano anganni culku wonquwa haa're Yerusaalame abbi.

⁸Qoleno Hadadiezeeri gashshinotenni Xibihaatinna Kuuni katammanni lowo camo adhi. Gedensaanni Selemooni hattenne camonni Qullaawu Minira Baaraho yinanni gawate, tuuqqanna camote uduunne seekkisiisino.

⁹Hamaati moote Tooi alba Hadadiezeeri ledo olamanni keeshshino daafira, Daawiti Hadadiezeeri olanto baala qeelinota macciishshe, keerunna hagiirru sokka iillishannosi gede beettosi Hadoraami Daawitiwa soyi. Hadoraamino Daawitira culkunni, birrunninna camotenni seekkinoonniha addi addi afansha haa're massisi.

¹¹Moote Daawitino qeelino daga baalatewiinni: Edoominni, Moaabinni, Amooninni, Filisxeemetenninna Amaaleqinni haa're abbino birranna culka albinte gede, bade magansi'rate seerira yee Kaaliiqi minira uyi.

¹²Tseruya iltinohu Abisa Maxinete Lagichira Edoomoota qase 18,000 manna shii.

¹³Edoomi gobba baalate olanto kunseentannowa seekki. Hakkiicho hee'ranno manni Daawitira gabbarannoha ikki. Kaaliiqino Daawiti mariwa baala qeellenniha assisi.

¹⁴Daawiti Israeele baalate moohe, manna taashshe halaalunni gashshi.

¹⁵Tseruya iltinohu Iyoaabi olantote roorrichaati. Ahiluudi beetti Iyosaafiixino ikkinore baala borreessannoho.

¹⁶Ahixoobi beetti Saadooqinna Abiyaataari beetti Ahimeleeki qeesootaho. Seeraya qole mootete mini borreessaanchooti.

¹⁷Yoodahe beetti Beenaya Dawiitira gamba yitino agaraasinera roorrichaho. Daawiti oosono anninsa gashshooti giddo ayirradda gashshaanooti.