Read Sidama_Qullaawa _Maxaafa UMI DUDUWO 2 Bible Online

UMI DUDUWO 2 - Sidama_Qullaawa _Maxaafa bible

UMI DUDUWO 2

¹Yaiqoobi 12 ooso ilino; insano Roobeeli, Simiooni, Leewi, Yihuda Yisaakoori, Zaabilooni,

²Daani, Yooseefi, Biiniyaami, Nifitaalemi, Gaadiitinna Aseeriiti.

³Yihudu 5 ooso ilino; Kana"aanitte galtesi Baatishuwa 3 ooso iltinosi; insano Eeri, Oonaaniitinna Shiilaati; Bayiru beettisi Eeri lowo geeshsha busha ikkino daafira iso Kaaliiqi qoomino.

⁴Yihudaho beettisi galte Taamaari Faareesinna Zaara yinanni ooso iltinosi.

⁵Faareesino Hetsirooninna Hamuuli yinanni ooso ili.

⁶Rodiisi Zaara 5 ooso ilino; insano Zimiiri, Etaani, Hemaani, Kalikooliitinna Daaridaiiti.

⁷Zaara sircho ikkinohu Kariimi beetti Akaani Maganoho bande worroonnire adhe maaxi're, Israeelete mannira qarra abbino.

⁸Etaani Azaariya yinanniha mitto beetto ilino.

⁹Hetsirooni 3 ooso ilino; insano Yirahime"eeli, Raamiitinna Kaaleebiiti.

¹⁰Raami Aminaadaabi ilino; Aminaadaabino Yihudu ga'rera umo ikkinoha Neasooni ilino.

¹¹Neasooni Salmooni ilino; Salmooni Boeezi ilino;

¹²Boeezi Iyoobeedi ilino; Iyoobeedi Isseyi ilino.

¹³Isseyi 7 ooso ilino; insano dirinsa aante garinni Eeliaabi, Aminaadaabi, Shaama,

¹⁴Naatinaeeli, Raadayi,

¹⁵Otseemiitinna Daawitiiti.

¹⁶Qoleno Tseruyanna Abigiya yinannire 2 seenne ilino. Tseruya 3 ooso iltino; insano Abishayi, Iyoaabiitinna Asaheeliiti.

¹⁷Abigiya Ismaeeli sircho ikkinohura Yeteerira mine assidhe Amaasa yinanni beetto iltino.

¹⁸Hetsirooni beetti Kaaleebi Azuuba yinannita adhe Yiriooti yinannita meya beetto ilino; Yiriootino Yesheeri, Shobaabinna Ardooni yinannire 3 ooso iltu.

¹⁹Azuuba reyituhu gedensaanni Kaaleebi Efiraata yinannita adhe Huuri yinanniha labbaa beetto ili.

²⁰Huurino Uuri yinanniha labbaa beetto ili; Uurino Baasilaeeli yinanniha labbaa beetto ili.

²¹Hetsirooni 60 diro ikke hee'reennasi Makiiri beetto Geleaadi rodoo adhe Seguubi yinanniha labbaa beetto ili.

²²Seguubino Yaiiri yinanniha labbaa beetto ili; Yaiiri Geleaadi gobbara noore 23 katamma gashshino;

²³ikkollana Geshuurinna Araami mootoolla Yaiiri katammanna Qenaati qachi ledo mitteenni 60 katamma amaddu. Hakkiicho hee'ranno manni baalu Geleaadi anni Makiiri ilamaati.

²⁴Hetsirooni reyihu gedensaanni, Kaaleebi Efiraata yinannita annisi galte adhe Ashihuuri yinanni beetto ili; Ashihuuri Teqoa yinanni katama safino.

²⁵Hetsiroonihu bayiru beetti Yirahime"eeli Raami, Buna, Oreeni, Otseeminna Akiya yinannire 5 labballi ooso ili.

²⁶Yirahime"eeli Axara yinannita wole galte adhi; iseno Onaami yinanniha labbaa beetto iltusi.

²⁷Yirahime"eelihu bayiru beetti Ma"aatsi, Yamiininna Eqeeri yinanni ooso ili.

²⁸Onaami ooso Shamayiitinna Yaadaiiti. Shamayi ooso Naadaabiitinna Abishuuriiti.

²⁹Abishuuri galte Abihayili Ahibaaninna Moliidi iltu.

³⁰Naadaabi ooso Seleediitinna Afayimiiti; Seleedi ooso ilikkinni reyino.

³¹Afayimi beetti Yishi"iiti. Yishi"i Sheeshaani ili; Sheeshaani Ahilayi ili.

³²Shamayi rodii Yaada ooso Yeteeriitinna Yoonaataaniiti; Yeteerino ooso ilikkinni reyino.

³³Yoonaataani ooso Feleetiitinna Zaazaati; kuri baalu Yirahime"eeli ilamaati.

³⁴Sheeshaani seenne ikkinnina labballo di"ilino. Isira Yarihai yinannihu mittu Gibitsichu soqqamaanchi noosi.

³⁵Sheeshaani mitte beettosi soqqamaanchisi Yarihaira uyino; iseno Atayi yinanniha labbaa beetto iltu.

³⁶Ataayino Naataani ili. Naataani Zabaadi ili.

³⁷Zabaadino Efilaali ili. Efilaalino Iyoobeedi ili.

³⁸Iyoobeedino Iyu ili; Iyuno Azaariyaasi ili;

³⁹Azaariyaasino Heletsi ili. Heletsino Eliaasa ili.

⁴⁰Eliaasa Sisimayi ili. Sisimayi Shaluumi ili.

⁴¹Shaluumi Yiqaamiya ili. Yiqaamiya Elishamai ili.

⁴²Yirahime"eeli rodii Kaaleebi ilinohu bayiru beetti Meshaiiti; Meshai Ziifi ili; Ziifi Maaresha ili; Maaresha Kebirooni ili.

⁴³Kebirooni Qore, Tafuha, Reqeeminna Shemai yinannire 4 ooso ili.

⁴⁴Shemai rodii Reqeemi Shamayi ili.

⁴⁵Shamayi Maooni ili. Maooni Beeti-Tsuuri ili.

⁴⁶Kaaleebira Eefa yinanniti irkote galte noosi; iseno Kaaraani, Mootsanna Gaazeezi yinanni ooso iltu. Kaaraanino Gaazeezi yinanni beetto ili.

⁴⁷Yahidayi yinanni manchi Regeemi, Iyoaataami, Geeshaani, Peleexi, Eefa, Shaafi yinannire 6 ooso ilino.

⁴⁸Kaaleebira Maaka yinanniti woleno irkote galte noosi; iseno Shebeerinna Tirihaana yinanni ooso iltu.

⁴⁹Gedensaannino 2 ooso ledde iltu; mittu Shafiiti; isi Madimana yinanni katama safino. Layinkihu Suusaati; isi Makibiinanna Gibia yinannire 2 katamma safino. Kaaleebira Akisa yinanniti meya beettono noosi.

⁵⁰Kunninni aante noorino Kaaleebi oosooti: Efiraati yinanniti galtesi iltinohu bayiru beetti Huuriiti; Huuri beetti Shobaali Qiriyaati-Yiariimi yinanni katama safino.

⁵¹Huurihu layinki beetti Salima Beetelihemete Katama safino. Huurihu sayikki beetti Hareefi Beeti-Gadeeri yinanni katama safino.

⁵²Qiriyaati-Yiariimi Katama safinohu Shobaali Haroe hee'ranno manniranna Menuhooti ga'rera darateho annaho.

⁵³Hattono Qiriyaati-Yiariimi heedhannorira Yutirootaho, Putootaho, Shumaatootahonna Mishirootaho annaho; Tsorianna Eshitaooli katammara hee'ranno mannino insa widooti.

⁵⁴Beeteliheme safihu Salima Nexofaati, Axirooti-Beeteyoaabinna Manahaati heedhannori lamente ga're giddonni mittete Tsoriootu ga'rerano annaho.

⁵⁵Borreessatenna woluwiinni galche amadate egennantinori Yaabeetsi Katamira heedhanno; insano Tiriootu, Shimiootunna Sukootu ilamaati. Kuri baalunku Rekaabootu anni Qenaawichu Hamaati sirchooti.