Read Sidama_Qullaawa _Maxaafa UMI DUDUWO 27 Bible Online

UMI DUDUWO 27 - Sidama_Qullaawa _Maxaafa bible

UMI DUDUWO 27

¹Kunnira woroonni kulloonniri Israeelete ayiddu roorrooti, boosaallu albisootaatinna insa hajajjannoreeti. Diru giddo aganu aganunkunni 24,000 manna amaddinota addi addi gaamo gobbate keere agartara worroonni. Mitte mittente gaamora olu hajajaanchi noose.

² Mitte mittenta gaamo hajajjannori kunninni aante nooreeti: Umi aganira, Zabidieeli beetti Yashobiaami hajajanno. Yashobiaami Yihudu beetti Faareesi ilamaati. Layinki aganira, Ahoohi ilama ikkinohu Doodayi hajajanno; isira layinki hajajaanchi Miqilootiiti. Sayikki aganira, qeesichu Yoodahe beetti Beenaya hajajanno. Isi Sajjuunku Egennantino Bagadaanora roorrichaho. Isi darga amade beettisi Amizabaadi gaamosira hajajaancho ikki. Shoolki aganira, Iyoaabi rodii Asaheeli hajajanno. Beettisi Zebaadiya isi darga amade hajajaancho ikki. Ontikki aganira, Yitsihaari ilama ikkinohu Shamihuuti hajajanno. Leelki aganira, Teqoa ilama ikkinohu Iqeeshi beetti Irra hajajanno. Lamalki aganira, Efireemi ga'renni Pelooni ilama ikkinohu Heletsi hajajanno. Settikki aganira, Hushi ilama ikkinohu Sibekayi hajajanno; isino Yihudu ilama giddo Zaara sirchooti. Honsikki aganira, Biiniyaamichu Anatooti ilama ikkinohu Abieezeri hajajanno. Tonnikki aganira, Nexofa ilama ikkino(...)

¹⁶Israeelete ga're gashshaano su'mi kunninni aane nooho: Roobeeli ga're gashshaanchi Ziikiri beetti Elieezeeriiti; Simiooni ga're gashshaanchi Maaka beetti Shefaaxiyaati. Leewi ga're gashshaanchi Qemueeli beetti Hashaabiyaati; Aarooni ga're gashshaanchi Saadooqiiti; Yihudu ga're gashshaanchi moote Daawiti roduuwi giddonni mittu Eelihuuti; Yisaakoori ga're gashshaanchi Mikaaeeli beetti Omiiriiti. Zaabilooni ga're gashshaanchi Abidiyu beetti Yushimaiyaati; Nifitaalemi ga're gashshaanchi Azirieeli beetti Yarimootiiti; Efireemi ga're gashshaanchi Azaaziya beetti Hooseiiti; Galchimita Minaase ga're gashshinohu Pedaya beetti Iyueeliiti. Soojjaatita Minaase ga're gashshinohu Zakkaariyaasi beetti Iddooti. Biiniyaami ga're gashshaanchi Abeneeri beetti Yaisieeliiti; Daani ga're gashshaanchi Yirohaami beetti Azirieeliiti.

²³Kaaliiqi, «Israeelete manna gordu beeddahe gede asse batiseemmo» yee coyi'rino garinni moote Daawiti 20 diri woroonni noo manna kiirote giddora dieessino.

²⁴Tseruya beetti Iyoaabi manna kiire gudikkinni agurino. Manna kiirroonni daafira Kaaliiqi Israeelete mannira hanqeenna gede'nine kiirroonni manna moote Daawiti gashshooti yannara amandoonnitera borrote taje giddora dieessinoonni.

²⁵Mootete mini jajjira annimma uyinoonnihu Adieeli beetti Azimaaweetiiti. Katammate, katammate gobbaanni, qachuwatenna qiisho baalate nootera mootete minitera uduunnu minnara annimma uyinoonnihu Uuziya beetti Yoonaataaniiti.

²⁶Baattote loosira annimma uyinoonnihu Keluubi beetti Eeziriiti.

²⁷Woyinete kaashshi dargira annimma uyinoonnihu Raama ilama ikkinohu Shimi"iiti. Woyinete xajje worranni minira annimma uyinoonnihu Shefaami ilama ikkinohu Zabiidiiti.

²⁸Galchimaanni nootera ejersunna qilxote haqqera annimma uyinoonnihu Gedeeri ilama ikkinohu Ba"aalihanaaniiti. Ejersu zayite worranni minira annimma uyinoonnihu Iyoaasiiti.

²⁹Saarooni xawira noo lalira annimma uyinoonnihu Saarooni ilama ikkinohu Shixirayiiti. Laggate noo lalo towatannohu Adilayi beetti Shefaaxiiti.

³⁰Gaalaho annimma uyinoonnihu Ismaeelichu Obiliiti. Harre towatate annimma uyinoonnihu Meronooti ilama ikkinohu Yehidiyaati.

³¹Ge'reewonna me"e towatate annimma uyinoonnihu Hagiraawichu Yaaziiziiti. Kuri baalunku Moote Daawiti jajjira annimma uyinoonnireeti.

³²Moote Daawitira wosiila ikkinohu Yoonaataani hayyicha amaalaanchootinna lowo geeshsha egennaamoho. Isinna Hakimooni beetti Yihieeli mootete ooso rosiissanno.

³³Akixoofeeli mootete amaalaancho ikkanna, Arkaawichu Hushayi mootete jaalahonna amaalaanchosiiti.

³⁴Akixoofeeli reyihu gedensaanni, Abiyaataarinna Beeneya beetti Yoodahe mootete amaalaasine ikkitu. Iyoaabi qole mootete olanto hajajannoho.