Read Sidama_Qullaawa _Maxaafa UMI DUDUWO 5 Bible Online

UMI DUDUWO 5 - Sidama_Qullaawa _Maxaafa bible

UMI DUDUWO 5

¹ Yaiqoobihu bayiru beetti Roobeeli, (Roobeeli annisita irkote galte uggino daafira bayirreenyesi Yooseefi oosora uyinoonni.

² Ikkollana wo'munkunni roore jawaatunna ga're baalantera albisa ikkannohu Yihudu ga're giddonni fulanno.)

³Roobeeli Hanooki, Faalu, Hetsirooninna Kariimi yinannire 4 ooso ilino.

⁴ Iyueeli ilama Shemaiya, Googi, Shimi"i, Miika, Reaya, Beaaliitinna Be"eeraati. Asoori moote Telgeltefelsoori gosate albisa ikkinoha Be"eera qafade haa're ha'ri.

⁷Ayiddu su'ma amaddino taje giddonni anfoonni garinni Roobeeli ga'rera boosaallu boosaallu albisooti: Yi"ieeli, Zakkaariyaasiitinna

⁸Iyueeli boosaallinni Shemaira beettu beetti Azaazi ilinohu Beelaiiti. Kuni boosaalli Aroeerinna hakkiinnino sae aliyyeenni Nebonna Ba"aalimeooni gashshooti giddo hee'ranno.

⁹Insa Geleaadi gobbara lowo saada ce'ino daafira, soojjaatoonni Efiraaxisi Wayi geeshsha noota halallitte baatto baala amaddu.

¹⁰Moote Saaooli gashshooti yannara Roobeeli ga're Hagaroota qasse baalanka shite gudde, Geleaadira soojjaatoonni noota baattonsa adhite uminsata assidhu.

¹¹Gaadi ga're Roobeeli ga'rera aliyyeenni heedhanno. Insa heedhannowi Baasaani gobbara soojjaatoonni Saleka yinanniwi geeshsha iillanno.

¹²Iyueeli mittu qaru boosaallira annaho; Shaafaami qole layinki deerrira noo boosaallira annaho; Yainayinna Shefaaxi Baasaani hee'rannohura wolu boosaallira annuwate.

¹³Gattinori tenne ga're ilama: Mikaaeeli, Meshulaami, Saaba, Yoorayi, Yaikaani, Ziianna Eeboori yinanniha 7 boosaallo giddo amaddino.

¹⁴Insano Huuri beetti Abihayili godowaati. Akaakkansa: Abihayili, Huuri, Yaaroha, Geleaadi, Mikaaeeli, Yeshishayi, Yahidootinna Buuziiti.

¹⁵Guunira beettu beetti Abidieeli ilinohu Ahi, kunni baalunku boosaallira roorrichaho.

¹⁶Kuni manni baalunku Baasaaninna Geleaadi gobbara nootera shiimmaadda katammaranna Saarooni hayisso noo gobba baalate hee'ranno.

¹⁷Tenne ilamate su'ma amaddino taje borreessinoonnihu Yihudu moote Iyoaataaminna Israeelete moote Iyorbiaami yannaraati.

¹⁸Roobeeli, Gaadinna soojjaatoonni heedhannotera Minaase ga'rera wonqotenninna bisetenni hattono digaanunni olamate qixxaabbinori 44,760 olanto noonsa.

¹⁹Insano Hagarootu sircho ikkitinore: Yexuuri, Nafiishinna Noodaabi ilama qassara gaaddu.

²⁰Tini olanto kaa'lannonsa gede hexxite Magano huuccidhu. Maganuno huuccattonsa macciishshe Hagaroota ha'litinonsari baalu ledo qeeltanno gede assi.

²¹Diinu angannino 50,000 gaala, 250,000 ge'reewonna 2,000 harre horritu. Hattono 100,000 manna qafaddu.

²²Olu Maganu yiinoha ikkino daafira, lowo diina shitu; insa uminsa qafadante hadha geeshsha hatte gobbara heedhu.

²³Soojjaatoonni nooti Minaase ga're aliyyeenni Ba"aalihermooni, Seniirinna Hermooni Ilaali geeshsha nootera Baasaani gobbara heedhanno. Insa manni kiirono lowote.

²⁴Boosaallu boosaallu roorrooti: Efeeri, Yuushi"i, Eelieeli, Azirieeli, Ermiyaasi, Hodawuyanna Yahidieeliiti; insa baalunku egennantino roorrootaatinna bagadaanooti.

²⁵Roobeeli, Gaadinna Minaase ga're daratu akaakkansa Maganira diammanantino. Magano agurte baattote aaninni shorre hunino gosa maganna magansidhu.

²⁶Kunnira, Maganu Puuli woy Asoori moote Telgeltelfelsoori kayise qasannonsa gede assi. Telgeltelfelsoorino Roobeelita, Gaaditanna soojjaatoonni noota Minaase ga're qafade haa're ha're, techo geeshsha heedhannotera Halaahi, Haboorinna Haara hattono, Goozaani Wayi mule heedhanno gede assi.