Read Sidama_Qullaawa _Maxaafa UMI DUDUWO 7 Bible Online

UMI DUDUWO 7 - Sidama_Qullaawa _Maxaafa bible

UMI DUDUWO 7

¹Yisaakoori 4 labballi ooso ili; insano Tola, Fuha, Yashuubiitinna Shimirooniiti.

²Tolai 6 labballi ooso ili; insano Uuzi, Refaya, Yirieeli, Yahimayi, Yubisaamiitinna Shemueeliiti. Insa Tolai boosaallira roorrootahonna egennantino bagadaanooti. Moote Daawiti yannara insa ilama 22,600 mannaati.

³Uuzi Yuzirahiya yinanniha 1 labbaa beetto ili. Yuzirahiyanna isi umisiti 4 ooso: Mikaaeeli, Abidiyu, Iyueelinna Yushiya ayiddu roorrootaati.

⁴Insara lowo meentinna lowo ooso noonsahura ilamansa giddonni 36,000 olanto aa dandiitanno.

⁵Yisaakoori ga're giddonni 87,000 olaho iillino labballi noota ilamansa kiiro borreessinoonni taje kultanno.

⁶Biiniyaami 3 labballi ooso ili. Insano Beelai, Bekeeriitinna Yidi"ieeliiti.

⁷Beelai 5 labballi ooso ili; insano Etsibooni, Uuzi, Uzieeli, Yarimootiitinna Iiriiti. Insa boosaallinsara ayiddu roorrootaatinna egennantino bagadaanooti. Ilamansa giddonni olaho iillitinori 22,034 labballi no.

⁸Bekeeri 9 labballi ooso ili; insano Zemiira, Yoaasi, Elieezeeri, Eliyoenayi, Omiiri, Yeremooti, Abiya, Anatootiitinna Alemeetiiti.

⁹Insa ilama giddonni olaho iillitinori 20,200 labballi noota borrote taje kultanno.

¹⁰Yidi"ieeli Bilihaani yinanniha 1 labbaa beetto ili; Bilihaanino Yauushi, Biiniyaami, Naoodi, Kenaina, Zetaani, Terseesinna Ahishahaari yinannire 7 labballi ooso ili.

¹¹Insano boosaallinsa giddo ayiddu roorrootaatinna egennantino bagadaanooti. Ilamansa giddo olaho iillitinori 17,200 labballi no.

¹²Shuufiiminna Huufiimi Iiri ilamaati. Hushiimino Aheeri godowaati.

¹³Nifitaalemi 4 labballi ooso ili; insano Yahatsieeli, Guuni, Yetseeriitinna Shaluumiiti. Insano Biliha[6] godowaati.

¹⁴Minaasera Sooriyitte irkote galtesi, Asirieelinna Makiiri yinannire 2 labballi ooso iltusi. Makiiri Geleaadi ili;

¹⁵Makiiri Hufiiminna Shufiimi mitte mitte galte adhitanno gede assi; Makiirira Maaka yinanni rodoo noosi. Makiirihu layinki beetti Tselofihaadi seenne calla ilino.

¹⁶Makiiri galte Maaka Pereeshinna Shereeshi yinannire 2 labballi ooso iltusi. Pereeshira su'ma fushshitinositi iseeti. Pereeshi Ulaaminna Raqeemi yinannire 2 labballi ooso ilino.

¹⁷Ulaami Baadaani yinanniha 1 labbaa beetto ili; kuri baalunku Minaase beetti Makiiri ilinohu Geleaadi godowaati.

¹⁸Geleaadi rodoo Hamolekeeti 3 labballi ooso iltino; insano Ishoodi, Abieezeriitinna Mahilaati.

¹⁹Shemidai Ahiyaani, Shekeemi, Liqihinna Aniaami yinannire 4 labballi ooso ili.

²⁰Efireemi Shutelahi ili; Shutelahi Bereedi ili; Bereedi Tahaati ili; Tahaati Eliaada ili; Eliaada Tahaati ili;

²¹Tahaati Zabaadi ili; Zabaadi Shutelahi ili. Efireemi Shutelahi agurranna Ezeerinna Eliaada yinannire 2 labballi ooso ilino. Insa Gaati gobbara hee'ranno manni lalo moortanna anfe shinoonni.

²²Anninsa Efireemi insara manchitanni lowo barra keeshshino daafira ayiddisi sheshifachishasira dayi.

²³Hakkunni gedensaanni Efireemi ayiddaamasi ledo gali; iseno godobbe labbaa beetto iltusi. Minensa iillino qarrinni kainohunni qaaqqoho su'ma Beria[7] yee fushshi.

²⁴Efireemi Sheiira yinannita mitte meya beetto ilino. Ise aliidihanna woriidi Beetihorooni, hattono Uzenisheiira yinanni katamma minsiissino.

²⁵Efireemi Refaahi yinanniha wole labbaa beettono ili. Refaahi Resheefi ili; Resheefi Telaahi ili; Telaahi Tahaani ili.

²⁶Tahaani Laidaani ili; Laidaani Amihuudi ili; Amihuudi Elishamai ili.

²⁷Elishamai Newe ili; Newe Iyyaasu ili.

²⁸Efireemi ilama baalanti Beetelinna qooxeessaho noota shiimmaadda katamma adhite uminsata assidhe heedhu; soojjaatoonni Nairaani geeshsha, galchimaanni Gezeeri geeshsha, qoleno Gezeeri gaangaawira noota shiimmaadda katamma giddo amaddeeti; Sekeeminna Ayani katamma, gaangaawinsara noota shiimmaadda katammano giddora qo'liteeti.

²⁹Minaase ilama Beeteshaani, Tainaaki, Megidooninna Doori, hattono insa gaangaawira noota shiimmaadda katamma angara qo'litu. Tini katamma baala Yaiqoobi beetti Yooseefi sirchi hee'rannote.

³⁰Aseeri 4 labballi ooso ili. Insano: Yimina, Ishiwa, Ishiwiitinna Beriaati; qoleno Serahi yinannita 1 meya beetto ilino.

³¹Beria Hebeerinna Malkieeli yinannire 2 labballi ooso ili. Malkieeli Birzaawi yinanni beetto ili.

³²Hebeeri 3 labballi ooso ili. Insano: Yafileexi, Shomeeriitinna Hotaamiiti; qoleno Shua yinannita 1 meya beetto ilino.

³³Yafileexi Pasaaki, Bimihaalinna Ashiwaati yinannire 3 labballi ooso ili.

³⁴Yafileexi rodii Shomeeri Rohiga, Yehubanna Araami yinannire 3 labballi ooso ili.

³⁵Shomeeri rodii Hotaami Tsofaahi, Yuminai, Sheleshinna Amaali yinannire 4 labballi ooso ili.

³⁶Tsofaahi ooso: Suha, Harinefeeri, Shuaali, Beeri, Yumira,

³⁷Beetseeri, Hoodi, Shaama, Shiilsha, Yutiraninna Be"eeraati.

³⁸Yeteeri ooso: Yoofooni, Pisipaatinna Aaraati.

³⁹Uula ooso: Araahi, Hanieeliitinna Ritsiyaati.

⁴⁰Kuri baalunku Aseeri ilamaati. Insa ayiddu roorrootaati, macca bagadaanootinna egennantino albisootaati. Aseeri ilama giddo olaho iillitinori 26,000 labballi no.