Read Sidama_Qullaawa _Maxaafa UMI DUDUWO 9 Bible Online

UMI DUDUWO 9 - Sidama_Qullaawa _Maxaafa bible

UMI DUDUWO 9

¹Israeelete manna baala boosaallu boosaallunkunni borreessinoonni. Konne coyeno Israeelete mootoolla maxaafi giddo anfanni. Yihudu manni loosino cubbinni kainohunni qorichishamanno gede qafadame Baabilooni gobba ha'rino.

²Katama katamansa balaxxe higginori qeesootaho, Leewaawootaho, Qullaawu Mini soqqamaanootinna woloota Israeelootaati.

³Yihudu, Biiniyaami, Efireeminna Minaase ga're manni ha're Yerusaalamete hee'rino.

⁴Yihudu ga're giddonni Yerusaalamete heedhara hadhinoti 690 maateeti. Yihudu beetti Faareesi godowi, Omiiri beetti Amihuudi ilinoha Utayi albisa assite wodhitu. Wolootu Faareesi godowi Imiiriitinna Baaniiti. Yihudu beetti Sheela godowi Asaaya oososi ledo ayiddu albisa assite wodhitu. Yihudu beetti Zaara godowi Yiueeli albisa assite wodhitu.

⁷Biiniyaami ga're giddonni Yerusaalamete heedhara hadhinori kunninni aante nooreeti: Hasenua beetti Hodawuya ahaaho ikkannohu Meshulaami beetti Saalu, Yirohaami beetti Yubineya, Mikiiri beetti Uuzi ilinohu Eela, Yubiniya beetti Reueeli, Reueeli beetti Shefaaxiyaatinna Shefaaxiya beetti Meshulaamiiti.

⁹Biiniyaami ga're giddonni Yerusaalamete heedhara hadhinori mitteenni 956 maateeti. Kunnira aleenni kulloonniri baalu maatete albisootaati.

¹⁰Yerusaalamete heedhino qeesooti aante nooreeti: Yidaiya, Yihoyaariibinna Yakiini, Qullaawu Minira qara roorricha ikkinohu Hiliqiya beetti Azaariyaasiiti. Akaakkasi Meshulaami, Saadooqi, Merayootiitinna Ahixuubiiti. Yirohaami beetti Adayaati; isi akaakkano Pashihuuriitinna Malkiyaati. Adieeli beetti Maiseyaati; isi akaakkano Yahizeera, Meshulaami, Meshileemiitinna Imeeriiti.

¹³Boosaallu albisoota ikkitinori mitteenni 1,760 qeesootaati. Kuri baalunku Qullaawa Mine soqqammanni soqqansho seekkite egentino.

¹⁴Yerusaalamete heedhino Leewaawooti aante nooreeti: Hashuubi beetti Shemaiyaati. Akaakkasi Meraari boosaallinni Aziriqaamiitinna Hashaabiyaati. Baqibaqaari, Hereeshinna Galaali; Miika beetti Maataaniyaati. Isi akaakka Ziikiriitinna Asaafiiti. Shemaiya beetti Abidiyuuti. Isi akaakka Galaaliitinna Yidutuniiti. Nexofa Katami qachuwara hee'rannohu Hiliqaana beetti Aasa ilinohu Berakiyaati.

¹⁷Yerusaalamete heedhinori Qullaawu Mini agaraasine aante nooreeti: Shaluumi, Aquubi, Xalimooni, Akimaaniitinna ayiddensaati; roorrichinsa Shaluumiiti.

¹⁸Hatte yanna geeshsha insa soojjaatoonni nooha Mootete Waalcho agartara worroonni. Hakkunnira albaanni kayinni Leewaawootu qacha e'nanni waalcho agartanni heedhino.

¹⁹Ebiyaasaafi beetti Qore ilinohu Shaluumi, Qore boosaallo ikkitinori wolootu fiixisi ledo akaakkansa Kaaliiqi qacha agartanno garinni Kaaliiqiha Xaadu Dukkanira e'nanni waalcho agaranno.

²⁰Hakkunnira albaanni insa Aliaazaari beetti Finihaasi towatanno. Kaaliiqino ledosi no.

²¹Mesheleemiya beetti Zakkaariyaasi Kaaliiqiha Xaadu Dukkanira e'nanni waalcho agarannoho.

²²Minunnihanna huxxu waalcho agartara worroonniri mitteenni 212 mannaati; insano heedhanno ollii garinni kiirantino. Insa akaakka kunni loosira wortinori moote Daawitiitinna himanaanchu Saamueeliiti.

²³Insanna ilamansa Qullaawu Mini waalchuwa agartanni heedhino.

²⁴Soojjaatoonni, galchimaanni, aliyyeenninna wodiidoonni noohura mittu mittunku waalchira agaraasinete roorrichi no.

²⁵Tenne agaraasine qachinsara noohu fiixinsa lamalu lamalu barrinni bado ga'nite kaa'litannonsa.

²⁶Shoolunku Leewaawooti agaraasinete roorrootahonna wo'ma annimma uyinoonninsareeti. Qullaawa Mine noo kifillaranna giddo noo uduunnirano annimma insate.

²⁷Qullaawa Mine agartannorinna soodo soodo huxxu waalchuwa fantannori insa ikkitinohura, insa Qullaawu Mini mule galtanno.

²⁸Wolootu Leewaawooti Magano magansi'nanni yannara hasiisanno uduunnira annimma uyinoonnireeti. Uduunne kiirte fushshite soqqansho gundanni yannara kiirte darga qoltanno.

²⁹Wolootu gattinori qolte wole qullaawu uduunnira, bulleete, woyinete xajjera, ejersu zayitera, hixaanahonna addi addi qimammara annimma afidhinoreeti.

³⁰Qimamma karsiissannori kayinni qeesoota callaho.

³¹Qore boosaallinni Shaluumihu bayiru beetti Matiitiya fushshaatu tima qixxeessate annimma uyinoonniho.

³² Qehaati boosaalli giddonni mitu mitu Qullaawu Minira ikkannoha qullaawa tima Fooliishshote Barra baala qixxeessate annimma afidhino.

³³Leewaawootu boosaalli giddonni gamisu Qullaawu Mini faarsora annimma uyinoonnireeti. Insa hashsha barra yitukkinni annimmatenni soqqantannore ikkitino daafira, wo'manka woyite Qullaawu Minira giddoonni noo minnara heedhanno; insa wole hajara dihansanninsa.

³⁴Kunni aleenni kulloonniri baalunku ga'rensa kiiro garinni Leewaawootu boosaallira roorroota ikkite Yerusaalamete heedhino.

³⁵Yi"ieeli, Gebaooni Katama mine hakko hee'ri. Galtesi Maakaati.

³⁶Bayiru beettisi Abidooniiti; wolootu isiri labballi ooso: Tsuuri, Qiishi, Ba"aali, Neeri, Naadaabi,

³⁷Gedoori, Ahiyo, Zakkaariyaasiitinna Miqilootiiti.

³⁸Miqilooti Shimia annaati; insa ilama fiixinsa mule Yerusaalamete heedhino.

³⁹Neeri Qiisi ili; Qiisi moote Saaooli ili; Saaooli Yoonaataani, Malkishua, Abinaadaabinna Eshiba"aali yinannire 4 labballi ooso ili.

⁴⁰Yoonaataani Meriba"aali ili; Meriba"aali Miika ili.

⁴¹Miika Pitooni, Meleeki, Tareanna Ahaazi yinannire 4 labballi ooso ili.

⁴²Ahaazi Yaiira ili; Yaiira Alemeeti, Azimaaweetinna Zimiiri yinannire 3 labballi ooso ili. Zimiiri Mootsa ili;

⁴³Mootsa Biinia ili; Biinia Refaya ili; Refaya Eliaasa ili; Eliaasa Atseeli ili.

⁴⁴Atseeli Aziriqaami, Bokeeru, Ismaeeli, Sheariya, Abidiyunna Hanaani yinannire 6 labballi ooso ilino.