Read Sidama_Qullaawa _Maxaafa LAYINKI DUDUWO 28 Bible Online

LAYINKI DUDUWO 28 - Sidama_Qullaawa _Maxaafa bible

LAYINKI DUDUWO 28

¹Akaazi 20 diro ikke hee'reennasi moohino. Yerusaalame teesso assi're 16 diro gashshino. Isi albi annisi Daawiti assino gedeeha Kaaliiqi baxanno coye diloosino.

²Israeelete mootoolla gede bunshe assino. Mannu magansi'ranno gede siwiila tunsiise Ba"aali magani misile seekkino.

³Hinoomi Lagichira hixaana giire, Israeele hattenne baatto ragidhu waro Kaaliiqi shorre hunino gosata tiyyi'nanni woga amade, umisi ooso kakkalino.

⁴Gaarrate aana nootera daga magansidhanno baseranna sinnaame haqqe baalate hunda kakkalino; hixaanano giirino.

⁵Kunnira Maganisi Kaaliiqi Sooriyu moote angara sayise uyinosi. Sooriyootuno qeelte lowo mannano qafadde Demaasiqo haadhe hadhu. Qoleno Kaaliiqi lowo geeshsha gawajjannohura Israeelete mootera sayise uyisi.

⁶Yihudu manni iso annuwansa Magano Kaaliiqa agurino daafira, Kaaliiqi mitto barra Israeelete moote Remaaliya beetti Faaquhe 120,000 jawaata bagadaano shee gudanno gede assino.

⁷Ziikiri yinannihu mittu Efireemichu bagadaanchi Akaazi beetto Maiseya, mootete mini hajara annimma uyinoonniha Aziriqaaminna mootete layinki gashshaancho Hiliqaana shii.

⁸Yihudu manni fiixansa ikkirono Israeelete olanto 200,000 meentonna qaaqquulle qafadde, gudhitinohu lowo jajji ledo haadhe Samaariya hadhu.

⁹Samaariyu Katamira hee'rannohu mittu Odeedi yinannihu Kaaliiqi himanaanchi Israeelete olanto Yihudu manna qafadde katama e'anni heedheenna insawa shiqqi yee, «Akaakka'ne Magani Kaaliiqi Yihudu mannira hanqe insa qeeltinanni gede assino. Ki'ne kayinni danna saino kaajjillinni gorritine guddinoonninsa.

¹⁰Hakkiino sa'ine Yerusaalamennihanna Yihudunniha labballonna meento borojje assidhinara heddinoonni. Hatto assatenni cubbo loossine Magano'ne Kaaliiqa dihanqissinoonni?

¹¹Xa yeemmo'neta macciishshe! Kaaliiqi hanqi aana'ne dirrikkinni rakkine qafaddinoonnire meentonna labballo roduuwa'ne qaensa higanno gede asse» yiinsa.

¹²Qolteno Efireemi gashshaano giddonni shoolu: Yihohanaani beetti Azaariyaasi, Meshilemooti beetti Berakiya, Shaluumi beetti Yeyihiziqiyanna Hadilayi beetti Amaasa konne olanto yitino coye gibbe,

¹³«Konne qafadamino manna kawiira abbitinoontenke! Kunni albaanni loonsoommo cubbinni Kaaliiqa dadillinseenna hanqisi aananke buwino. Xaano cubbinkenna saonke aana wole leddinanninke?» yitu.

¹⁴Kunnira, olanto gashshaanonna mannu baalu afanna qafadamino mannanna gudhitino jajja facci assite agurtu.

¹⁵Hakkuri shoolunku manni qafadamino mannira gurre abbinoonni jajji giddonni hasiisannonsare uyitunsa. Mulluwu noorirano imaana, koattenna ikkitanno geeshshi sagalenna waa uyitunsa. Madate ejersu zayite buurte, lekkatenni hadhe affannokkiri harre guluffe hadhanno gede assitunsa. Qafandoonnire baalanka saattu haqqe wo'mitinowa Iyyaarko Katama haadhe massite Israeele galagalte Samaariya higgu.

¹⁶Hakka waro Edoomootu galagalte Yihuda qasse lowo manna qafaddino daafira, moote Akaazi kaa'lannosi gede Asoori moote huucci'ri.

¹⁸Hatte yannaranni, Filisxeemootu galchimi gaarra hundanna wodiidoonni noo katamma qasse, Beetesaamisa, Ayalooni, Gederooti, Sooko, Temina, Gimizo katammanna qooxeessaho noo qachuwa baala amadde hakko heedhu.

¹⁹Moote Akaazi Yihudu giddo bunshe halashshinohuranna Kaaliiqira ammanama xeisinohura, Kaaliiqi Yihudaho qarra abbino.

²⁰Asoori moote Telgeltelfelsoori Akaazira qarra kalaqinosita ikkinnina dikaa'linosi.

²¹Akaazi qole Qullaawu Mininni, mootete mininninna gashshaanotewiinni lowo jajja haa're muishshaho Asoori mootera uyi. Ikkollana hattino dikaa'litinosi.

²²Akaazi qarru aana qarru lexxanni hee'reennasinni roore cubbo loosatenni Kaaliiqa dadillisi.

²³Akaazi, «Sooriyu mootoolla kaa'litinoti magannansa aneno kaa'litannoe gede kakka'leemmo» yee tenne magannara kakkalono shiqishino. Kuni coyino isiranna mannisira lowo bao abbino.

²⁴Qullaawu Mini uduunne baalano fushshe hiiqqaqqino; Qullaawa Mineno cufino. Yerusaalamete madde baalate kaphu magannara kakkalote darga seekkino.

²⁵Yihudu katamma baalantera wole magannara hixaana giirranni darga seekkino. Kunni garinni akaakkasi Magani Kaaliiqi hanqo umisira abbi'rino.

²⁶Akaazi gashshi yannara ikkinori kaimunni goofimarchu geeshsha noo coyi baalu Yihudunna Israeelete mootoolla dhagge amadino maxaafira borreessame no.

²⁷ Akaazi reenna, Yerusaalamete madaarroonni. Ikkollana mootoollate waammara dimadaarroonnisi. Isi darga beettisi Hiziqiyaasi moohino.