Read Sidama_Qullaawa _Maxaafa LAYINKI DUDUWO 3 Bible Online

LAYINKI DUDUWO 3 - Sidama_Qullaawa _Maxaafa bible

LAYINKI DUDUWO 3

¹Selemooni, Kaaliiqi alba annisi moote Daawitira leellinowa Mooriyu Ilaalira Qullaawa Mine mina hanafi. Konne Iyabuusichu Oorina ayiddumme assi're hee'rino darga, balaxe Daawiti Qullaawa Mine minate qixxeessino.

²Selemooni moohihunni shoolki diro layinki aganira layinki barra Qullaawa Mine sanfi.

³Selemooni mininohu Qullaawu Mini seendille 27 qaafo, godowa 9 qaafo ikkanno.

⁴E'nanni xullora noo gafono hojja 18[1] Qullaawu Mini gede godowa 9 cigile ikkitanno. Gafote giddoyidira fila culka xallinoonni.

⁵Qullaawu Miniha jawa holge hoommetenni sheekkine aanaho culka xalline, saattunninna cagaagete suudinni seesiinsoonni.

⁶Selemooni Qullaawa Mine dilqu kinchinninna Fariwayimi gobbanni abbinoonni culkinni seesiisino.

⁷Xarrate, dindimaateho, waalchuwatenna cufannate culka xallino; xarrate aana kirubeeli misilla seekkino.

⁸Giddoyidiha Qullaawa Holge seendille 9 qaafo godowano 9 qaafo asse seekkino. Giddoyidihura Qullaawu Holgira 20,000 kiilo ikkannoha fila culka xallino.

⁹Misimaarra 570 giraame ikkanno culkinni seekkinoonni; iimiidira culka xallinoonni.

¹⁰Moote Selemooni soqqamaanosi 2 kirubeeli misilla seekkite aanaho culka xallite Qullaawaho Giddoyidi Holgira wortanno gede hajaji.

¹¹Lamenti misilla Qullaawu Holgira e'nanniwa waate waateho no. Lamunkura lamu lamu qooli noonsa; mittu mittunku qooli seendille 5 cigile ikkanno. Lamunku qooli mitto widoonni mimmito kisanno; lamu qooli kayinni noo ragaanni Minu xarra kisanno. Shoolenti qoolla diriirturo 20 cigile ikkitanno. Lamenti misilla alba waalchu widira higge uurrite no.

¹⁴Giddoyidihura Qullaawu Holgira shalotenninna wolu gari hoccinni seekkinoonni dukko noosi. Dukkono bule, xiillichanna duumo dana afidhinote; iserano aanaho kirubeeli misile seekkinoonni.

¹⁵Selemooni hojja 35 cigile ikkitannota 2 camote mokkollo seekke Qullaawu Minira albaanni uurrisi. Mittu mittunku mokkollichira umoho hojja 5 cigile ikkitanno guuto noosi.

¹⁶Mokkollote umira sissillinoonni cagaagenninna camotenni xaadinsoonnita 100 shaffo worroonni.

¹⁷Mokkollo Qullaawu Minira e'nanniwa aliyyeenninna wodiidoonni uurrinsoonni. Wodiidoonni nooha, Yakiini[2] yee, aliyyeenni nooha qole, Boeezi[3] yii.