Read Sidama_Qullaawa _Maxaafa LAYINKI DUDUWO 8 Bible Online

LAYINKI DUDUWO 8 - Sidama_Qullaawa _Maxaafa bible

LAYINKI DUDUWO 8

¹Moote Selemooni Qullaawa Minenna mootimmate mine 20 dirinni mine gudino.

²Kiraami uyinosi katammano gatamare Israeelete manni hee'ranno gede assino.

³Hakkunni gedensaanni Selemooni Hamaatinna Tsooba yinanniwa gaade amadi.

⁴Molo gobbara nooha Tatsimoori Katamanna Hamaati noota sinqe duunnanni katammano gatamari.

⁵Aliidinna woriidi Beetihoroonira noo waawannanna cunfanniha kinchu huxxa afidhinota qiinshoonni katammano gatamari.

⁶Bailaati Katamanna sinqe duunnanni katamma, faradunna faradi gaare heedhanno katamma, Yerusaalamete, Libaanoosinna gashshootisi baalu giddo assara halchinore qixxeessi.

⁷Selemooni wolqate looso loossanno gede hajajinori, Israeele baattonsa ragidhu waro shitukkinni gatissino Kana"aanootaati. Techo geeshsha borojjimmatenni soqqantannori: Hitootaho, Amooraawootaho, Ferizootaho, Hiwootahonna Iyaabuusootaho.

⁹Israeelete giddonni mittono borojjimma diloosiisino. Israeelete manni olantonna gaadaannuwa ikkatenni, qoleno faradi gaarenna farado gulufatenni soqqamino.

¹⁰Insa giddonni 250 Israeelooti wolqate looso loossannore hajajjannoreeti.

¹¹Selemooni, «Kaaliiqi Taaboota worroonni dargi qullaawa ikkino daafira, Gibitsitte Feriooni beetto galte'ya Israeelete moote Daawiti Mootimma Mine hee'ra dihasiissannose» yee, Daawiti Kataminni hadhe isera mininohura mootimmate mine heedhanno gede assi.

¹²Hakkunni gedensaanni, Selemooni Qullaawu Minira albaanni noohura kakkalote darga Kaaliiqira shilqote kakkalo shiqishi.

¹³Muse hajajo garinni mittu mittunku ayyaanira: Fooliishshote Barra, Aganu Leelli barra, diru dirunni ayirrinsanni ayyaannara: Timu Ayyaanira, Gide Gamba Assi'nanni Ayyaaniranna Daasu Ayyaanira Kaaliiqira kakkalo shiqishi.

¹⁴Annisi Daawiti xintino seeri garinni qeesootanna insa faarsotenni kaa'litanno Leewaawoota wore wo'manka barra soqqantannota soqqanshonsa guuttanno gede assi. Qoleno Maganu manchi Daawiti hajajino garinni agaraasine addi addi waalchira beehe wori.

¹⁵Daawiti hajajino garinni qeesootunna Leewaawootu uduunnu minitinna wole haja mitteno gattukkinni baalanta wonshitu.

¹⁶Hatte yannara Selemooni hedino loosi baalu Qullaawa Mine sanfihunni kayise gundi geeshsha qinaadu garinni loosame goofi.

¹⁷Hakkunni gedensaanni Selemooni Edoomi gobbara Duumu Baari gama noota Etsiyoonigabiirinna Elaati katamma ha'ri.

¹⁸Moote Kiraami markabba hajajjannorinna ha'rissannori ledo mitteenni Selemoonira soyinosi. Insano Selemooni manni ledo Ofeeri yinanniwa hadhe, hakkiichinni Selemoonira 15,000 kiilo rooranno culka haadhe abbitinosi.