Read Sidama_Qullaawa _Maxaafa LAYINKI DUDUWO 9 Bible Online

LAYINKI DUDUWO 9 - Sidama_Qullaawa _Maxaafa bible

LAYINKI DUDUWO 9

¹Saaba mootitte Selemooni duduwo macciishshite, fonqolte la'asira yite lowo geeshsha qarrissanno xa'mo adhite ka'e Yerusaalame hadhu. Hadhu woyite lowo manni dukkiseennase shitto, ayirrado ilkanna lowo culka gaallate hogobbe hadhino. Selemooni ledo xaadde wodanisenni heddinore baala xa'mitinosi.

²Isino xa'mitinosi xa'mo baala qolino; dawarinokkitinna go'litinositi mitte xa'mono dino.

³Saaba mootitte, Selemooni hayyo affe, mi'ninoha mootete mineno la'u.

⁴Selemooni mini sagale, ledosi gashshaano galtanno minna, mootete mini loosaasine qixxaabbino garanna uddidhino imaana, jilaho soqqantannorenna Qullaawu Minira shiqinshanni kakkalo baala la'u. Konne baala la'e dhaggeeffattino daafira yitannori baise.

⁵Moote Selemoonira, «Loosootto loosinna egennokkire gobba'yara hee're macciishshoomma coyi addaho!

⁶Daye illetenni la"amma geeshsha kulloonniere diammanoomma. Xa kayinni laeemma woyite, macca'yanni macciishshoommahu ille'yanni laoommahu darate nafa di"ikkino. Egennokki gobba'yara hee'reenna kulloonnietenni lowo geeshsha roorete.

⁷Mulekki hee're hayyonniha hasaawakki macciishshannohu mannikkinna ledokki gashshaano ba'raadhinoreeti!

⁸Maganikki Kaaliiqi galatamo! Maganikki Kaaliiqi ate baxino daafira, ayirradu barcimisira ofoshshiishe mannasi gashshatto gede assinohe. Togo assinohuno Israeele baxannohuraatinna hegere geeshsha agaransara hasi'rino daafiraati. Ateno insara moote assinohu taalonna halaale agaratto gedeeti» yitu.

⁹Saaba mootitte abbitinosi afansha baala Selemoonira uyitusi. Culka 4,000 kiilo roorannoha, lowo geeshsha bati'ra shittonna dilqa kincho abbitino. Ise uyitinosi shitto hakkunni gedensaanni abbinoonni shitto baalatenni lowo geeshsha roorete.

¹⁰(Selemoonira Ofeerinni culka hogowe abbinosihu isihunna Kiraami manni qole sandalete haqqenna dilqa kincho abbinosi.

¹¹Selemooni hattenne sandalete haqqenni Qullaawa Minenna mootete minira dirima, faarsaanote bagananna maasinqo seekkino. Hattoo uduunne Yihudu gobbara anfe diegenninoonni.)

¹²Moote Selemooni ise abbitino afanshi darga uyinosehu aana lede, xa'midhinore baala uyinose. Hakkunni gedensaanni dukkisinose manni ledo galagalte gobbase higgu.

¹³Moote Selemooni diru dirunkunni 23,000 kiilo ikkanno culka afi'ranno.

¹⁴Hakkuno daddalaasine boocce uyitannoha, Arabete mootoollanna Israeelete gashshaano uyitanno birranna culka agurrannaati.

¹⁵Moote Selemooni lamala lamala kiilo ikkannoha daashshinoonni culka aanaho xallinoonnita 200 jajjabba wonqonna

¹⁶sase kiilo ikkannoha daashshinoonni culka aanaho xallinoonnita 300 manaadda wonqo seekkisiisino. Tenne baala wonqo, Libaanoosi Dubbo Hari giddo wori.

¹⁷Qoleno mitto jawa ayirrado barcima seekkisiise aanaho daaniichu hinkonna fila culka xallisiisino.

¹⁸Ayirradu barcimiwa marrannihu leyu dirimi no. Mitteenni amadisiinse seekkinoonniha lekkatenni kaxxinanniwanna lamenta anga irkisi'nanniwa afi'rino. Anga irkisi'nanniwa lamenka widoonni mitte mitte doobbiichu misile no.

¹⁹Mittu mittunku dirimira lamenka widoonni mitte mitte doobbiichu misile no; mitteenni tonaa lamete. Hattoohu ayirradu barcimi wole mitte gobbarano dino.

²⁰Selemooni yannara, birra woximma kiirrannikki daafira, Selemooni mitore aganno uduunne baalanna, Libaanoosi Dubbi Hari giddo noo uduunne wo'manka filu culkinni ikkinnina birrunni diseekkinoonni.

²¹Selemoonira Kiraami manni ha'risannoti lowo baari aana ha'ra dandiitanno markabbano noosi. Tinino sasu sasu dirinni culka, birra, daaniichu hinko, qamalenna galado haadhe abbitannosi.

²²Moote Selemooni jirotenninna egennotenni baattote aana noo mootoolla baala rooreho.

²³Gobba baalate noo mootoolla baala Maganu uyinosiha hayyote hasaawa macciishshate isiwa daa halchitanno.

²⁴Isiwa daannohu baalu diru dirunkunni birranna culka, imaana, olu bagado, shitto, faradonna gaangoota haa're abbannosi.

²⁵Selemoonira 4,000 faradunna faradi gaarete gollo, qolteno 12,000 faradi noosi. Gama isiwa Yerusaalamete, gama qole wole katammara hee'ranno gede assi.

²⁶Selemooni Efiraaxisi Wayinni kayise Filisxeemetenna Gibitsete gobbara noo mootoolla baala gashshino.

²⁷Selemooni yannara birra kinnate gede, Libaanoosi haqqe Yihudu gaarra hunda fultino odahe gede assine kiirranni.

²⁸Selemooni Gibitsetenninna wole gobba baalatenni farado abbisiisi'rino.

²⁹Selemooni yannara ikkinohu wolu coyi kaimunni goofimarchu geeshsha himanaanchu Naataani, Seelo manchi himanaanchu Akiya himaninna Israeelete moote Naabaaxi beetti Iyorbiaami mootimma kulannohu ajuujaanchu Iddo ajuujara borreessineenna no.

³⁰Selemooni Yerusaalame teesso assi're Israeele baalate 40 diro moohino.

³¹Hakkunni gedensaanni Selemooni annuwasinte gede reenna Daawiti Katamira madaarroonnisi. Beettisi Roobiaami isi darga amade moohino.