Read Sidama_Qullaawa _Maxaafa IZIRA 10 Bible Online

IZIRA 10 - Sidama_Qullaawa _Maxaafa bible

IZIRA 10

¹Izira Maganu Minira albaanni uwe huucci'ranni, ifaaxxanninna wi'lanni hee'reenna, labballu, meentunna ooso, lowo geeshsha bati'ru Israeelete manni iso gaangeesse hururame wi'li.

²Hakkunni gedensaanni, Elaami sirchi giddonni mittu Yihieeli beetti Shakaaniya Izirara, «Qooxeessinkera noo daga giddonni seenne adhankenni Maganinkera diammanammoommo. Tenne giddoonni kayinni xaano Israeelete hexxo no.

³Xaano ate seejjonna Maganinke hajajo waajjanno manni gede, konne meento oosonsa ledo ha'risate Maganinke albaanni xaarro. Konne coye Maganu seeri yaanno gede assino.

⁴Izira, kuni coyi angakki noona kai. Ninkeno irkinseemmohena jawaatte konne coye assi» yiisi.

⁵Izirano kae umo umo ikkitino qeesoota, Leewaawootanna Israeele baala tenne shiqqino hedo wonshitanno gede xaarsiisi. Insano xaartu.

⁶Hakkunni gedensaanni, Izira Maganu Mini albinni kae, Eeliyaasiibi beetti Yihohanaani noowa ei. Qafadotenni higino manni ammanama hoogansanni assino sao daafira wi'lanni keeshshi; mittoreno di"itino, diagino.

⁷Hakkunni gedensaanni, qafadotenni higino manni baalunku Yerusaalamete gamba yaanno gede Yihudahonna Yerusaalamete lallambe kulli.

⁸Lallawuno, sasu barri giddo woshshinoonniwa dayinokkihu baalu, roorrootunna geerru yitanno garinni jajjisi baalu adhamannotanna isino mannu mereerinni ho'lannota egensiisannoho.

⁹Kunnira, sasu barri giddo Yihudunna Biiniyaami manni baalu, Yerusaalamete gamba yii. Honsikki aganira lemiikki barra mannu baalunku tenne hajoranna xeenu batinyi daafira yaade, Kaaliiqi Minira albaanni noo xawira gamba yee ofolli.

¹⁰Qeesichu Izirano kae, «Ki'ne ammanantinoonnire di"ikkitinoonni; saote aana sao leddine wole gosa seenne adhitinoonni.

¹¹Xa akaakka'ne Maganira Kaaliiqira cubbo'ne ifaaxxe; isi yiinotano ikke. Qooxeessi'nera noo daga giddonninna wole gosanni adhitinoonni meentiwiinni baxxe» yii.

¹²Songo mitteenni lowo qaalinni, «Halaale yootto; yoottore wonsha hasiissannonke.

¹³Ikkollana konniicho gamba yiino manni lowoho; yannano hawadooti. Kunnira gobba uurra didandiineemmo. Hakkuyi aanano, cubbinkeno lowoha ikkino daafira, mittunna lamu barrinni gunde dianfeemmo.

¹⁴Kunnira, roorrootinke mannu wo'munku su'minni assate hasiisannore assito. Hakkunni gedensaanni, kunni cubbinni dayinohu jawaatu Maganinke hanqi ninkewiinni higa geeshsha, katammankera noori wole gobba meento adhitinori baalu katammate noo roorrootinna geerri ledo yinoonni yannara daggona» yitu.

¹⁵Konne coye Asaheeli beetti Yoonaataaninna Tequwa beetti Yehiziya gibbinota ikkinnina wolu giwinohu dino. Meshulaaminna Leewaawichu Shabatayi kayinni insa kaa'litino.

¹⁶Qafadotenni higino mannino yinoonni gede assi. Qeesichu Izirano mittu mittunku boosaallira umo umo ikkino mancho doori. Baalanka su'mi su'minsanni borreessini. Hakkunni gedensaanni, tonnikki aganira umi barra konne coye la"ate ofoltu.

¹⁷Layinki diro umi aganira umi barra, wole gobba meento adhitinori baalunku coye la'e guddu.

¹⁸Qeesootu sirchi giddo wole gobba meento adhitinori kunninni aante nooreeti: Iyotsedeqi beetti Iyyaasu sirchinna roduuwisi mereerinni Maiseya, Elieezeeri, Yariibinna Gedaaliyaati.

¹⁹Kuri baalu meentonsa ha'risate sumuu yitu. Assitino saorano saadansa giddonni annu annunkunni mitto mitto ge'rechu goco kakkalote shiqishshu.

²⁰Emeeri sirchinni: Hanaaninna Zibaadiyaati.

²¹Hariimi sirchinni: Maiseya, Eeliyaasi, Shemaiya, Yihieeliitinna Uuziyaati.

²²Pashihuuri sirchinni: Eliyoenayi, Maiseya, Yisimaeeli, Naatinaeeli, Yozaabaadiitinna Eliaasaati. Kurino annu annunkunni yinoonnita sumuu yite mitto mitto ge'rechu goco kakkalote shiqishshu.

²³Leewaawootu mereerinni: Yozaabaadi, Shimi"i, Qeliixa yinannihu Qeliya, Fetahiya, Yihudaatinna, Elieezeeriiti.

²⁴Faarsaanote giddonni: Eeliyaashiibiiti. Xullicho agartannori giddonnino, Shaluumi, Xeleemiitinna Uuriiti.

²⁵Wolootu Israeelooti giddonni Paariooshi sirchi: Raamiya, Yiziya, Malkiya, Miyaamiini, Aliaazaari, Melkiyaatinna Beenayaati.

²⁶Elaami sirchinni: Maataaniya, Zakkaariyaasi, Yihieeli, Abiidi, Yeremootiitinna Eeliyaati.

²⁷Zaatu sirchinni: Eliyoenayi, Eeliyaashiibi, Maataaniya, Yeremooti, Zabaadiitinna Aziizaati.

²⁸Beebayi sirchinni: Yihohanaani, Hanaaniya, Zaabayaatinna Axilayiiti.

²⁹Baani sirchinni: Meshulaami, Meluuki, Adaya, Yashuubi, Sheaaliitinna Yeremooti.

³⁰Pohaati-Moaabi sirchinni: Adiini, Kelaali, Beenaya, Maiseya, Maataaniya, Baasilaeeli, Binuwiitinna Minaaseeti.

³¹Hariimi sirchinni: Elieezeeri, Yishiya, Malkiya, Shemaiya, Simiooni,

³²Biiniyaami, Meluukiitinna Shemaarayaati.

³³Hashuumi sirchinni: Matinayi, Matata, Zabaadi, Eelifeleexi, Yiremayi, Minaasenna Shimi"iiti.

³⁴Baani sirchinni: Meidaya, Amiraami, Ueeli,

³⁵Beenaya, Beediya, Keluhi,

³⁶Waniya, Meremooti, Eeliyaashiibi,

³⁷Maataaniya, Matinayiitinna Yaisuuti.

³⁸Binuwi sirchinni: Shimi"i,

³⁹Shelemiya, Naataani, Adaya,

⁴⁰Mekinedebayi, Shaashayi, Sharayi,

⁴¹Azaarieeli, Shelemiya, Shemaariya,

⁴²Shaluumi, Amaariyaatinna Yooseefiiti.

⁴³Nebo sirchinni: Yi"ieeli, Matiitiya, Zabaadi, Zebiina, Yaadayi, Iyueeliitinna Beenayaati.

⁴⁴Kuri baalunku wole gobba meento adhitinoreeti. Insano meento oosonsa ledo ha'rissu.