Read Sidama_Qullaawa _Maxaafa IZIRA 9 Bible Online

IZIRA 9 - Sidama_Qullaawa _Maxaafa bible

IZIRA 9

¹Kuni coyi ikkihu gedensaanni sooreeyye anewa dagge, «Qeesootanna Leewaawoota aanaho lexxe Israeelete manni, olliinsa Kana"aanootu, Hitootu, Ferizootu, Iyaabuusootu, Amoonootu, Moaabootu, Gibitsootunna Amooraawootu battewiinni dibaxxino.

²Israeelete manni, tenne gosa seenne adhino; Maganunnihu qullaawu manni dagate ledo karsiisamino. Tenne bunshera umo ikkitinori sooreeyyenkeetinna gashshaanonkeeti» yitue.

³Anino konne coye macciishshummo yannara, dadille uddano'ya daroommo. Umo'yanna ereeda'ya cidhoommo. Lowo geeshsha mase woffi yee ofolloommo.

⁴Qafadotenni higginori assitino saonni kainohunni, Maganu wole gosa ledo adhamate daafira coyi'rino qaale waajjitinori baalu anewa gamba yitu. Anino dadillanni hawarro kakkalo geeshsha ofolloommowa keeshshoommo.

⁵Hawarro kakkalo shiqqanno yannara, daroommo uddano uddi'roommo gedeenni dadillanni ofolloommowiinni kaoommo. Guluchi'yanni guluphe, anga'ya Magani'ya Kaaliiqiwa qole diriirse,

⁶«Magano'ya ballo, cubbinke uminkera iimaanni saino; saonkeno gordo iillitino. Magano'ya ballo, alira atewa hige la"ate nafa saalfatoommo.

⁷Akaakkanke yannanni kayisse xaa geeshsha saonke batidhino. Cubbinkenni kainohunni, techonte gede ninke, mootoollankenna qeesootinke allagga mootoolla anga umbe bagadoho, qafadote, saamamatenna shollinyeho sa'ne aamammoommo.

⁸«Xa kayinni, Kaaliiqa Maganonke borojjimmatenni fushshite, Qullaawa Basera keerunni hee'neemmo gede, shiima yanna gaacheena oottonke; borojjimmatenni fushshite haaro heeshsho oottonke.

⁹Borojje ikkinummoro nafa, ati kayinni borojje ikkine gantammora worte diaguroottonke. Faarisi mootoolla albaanni baxille oottonke. Minekki galagalchine minneemmo gedenna Yihudahonna Yerusaalamete keere hee'neemmo gede haaro heeshsho oottonke.

¹⁰«Xa kayinni, Maganonke ballo, hajajokki layinkemeeshsho hunnoommona, hige kunni ka'a mayineemmo?

¹¹Hunnoommoti hajajokkino, borojjikki himanaano, ‹Ragidhinanni baatto battaabbinote; aanaho hee'rino manni qaccetenni qaccete geeshsha bunshenna batte wo'mitanno gede assinote.

¹²Kunni daafira, seenne'ne oosonsara uyitinoonte; seennensano ooso'nera adhitinoonte. Jawaatoota ikkate, baattote jiro itatenna ooso'nera geedote iqqa ragisiisate insa ledo mittu coyinnino fiixoontinoonte› yite kultinonkete.

¹³«Kuni baalu iillinonkehu bushu loosinkenninna bati'ra saonkenniiti. Maganonke, ati kayinni cubbinke deerrinni diqorichishoottonke; taraarenkeno digudootto.

¹⁴Kayinnilla, galagalle hajajokki hunne, tenne bunshe loosanno manni ledo mayira adhammummoro dianfoommo. Ninke taraare nafa gattukkinni goofo maltinonkereeti.

¹⁵Israeelete Magano Kaaliiqa ballo, ati halaalaancho yoo yaattoho; ikkollana kune techo geeshsha lubbotenni woroottonke. Saotenni hee'ne albakkiinni uurra didandiinanni; ninke kayinni kunni garinni hee'ne albikkira shinqoommo» yoommo.