Read Sidama_Qullaawa _Maxaafa NEHIMIYA 1 Bible Online

NEHIMIYA 1 - Sidama_Qullaawa _Maxaafa bible

NEHIMIYA 1

¹Ani Hakaaliya beetti Nehimiya, Faarisi moote Arxekisiisi moohihunni lemiikki diro, Kisilewu yinanni aganira dannawu katamira Suusaho noommo.

²Roduuwi'ya giddonni mittichu Hanaani yinannihu wole manna hoodete adhe Yihudunni kae anewa dayi. Ani qole Yerusaalamenna Baabilooni gobbanni qafadotenni higgino Ayihudooti noo gara xa'moommo.

³Insano, «Qafadotenni gatte gobbansa higgino Ayihudooti lowo qarriranna shollinyeho ubbe no. Yerusaalamete huxxi diigamino; huxxu cufannano giirantino» yite kultinoe.

⁴Ani konne duuchanka coye macciishshummo woyite ofolle wi'loommo. Lowo barra itanna aga agure Gordu Magano huucci'ranni,

⁵«Gordu Magano Kaaliiqa, ati jawahonna waajjinanniho. Ati baxxannoheriranna hajajokki ayirrissannorira baalaho gondoorokki seekkite agaratto.

⁶Magano, soqqamaanokki Israeelete manni gato daafira hashshanna barra huucci'reemmota huuccatto'ya macciishshie. Ninke Israeelete manni, ani umi'yanna annuwa'ya loonsoommo cubbono ifaaxxeemmo.

⁷Atera gara gimbe hajajokki baala hunnoommo. Soqqamaanchikki Muse widoonni qolte oottoha seerakkinna wogakki diagadhinoommo.

⁸« ‹Ki'ne Israeelete manna, anera ammanama hoogginiro dagate mereero billaalliseemmo'ne. Ikkollana anewa higgine hajajoommo'nere wonshitiniro, baattote qacce geeshsha billaallitiniro nafa, ani magansi'naera doodhoommo dargira galagalche abbeemmo'ne› yite Musera coyi'rootto qaale qaagi.

¹⁰«Magano, kuri soqqamaanokkiitinna umikki mannaatiwe. Kunni albaannino jawa wolqakkinninna jawaata cigilekkinni gatisoottonsa.

¹¹Kaaliiqa'ya ballo, kuneeti xaano ane soqqamaanchikkitanna ate ayirrisa baxxannorita wolootu huuccattono macciishshi. Techo loosate hedoommo coyi qinaannoe gede mootete wodana shaqqishatenni kaa'lie» yaanni huucci'roommo. Hatte yannara ani mootete woyinete xajje xorsheemmo.