Read Sidama_Qullaawa _Maxaafa NEHIMIYA 11 Bible Online

NEHIMIYA 11 - Sidama_Qullaawa _Maxaafa bible

NEHIMIYA 11

¹Roorrootu Yerusaalamete heedhu; wolu manni, ga're ga'rete giddonni tonnu boosaalli giddonni mittu Qullaawu Katamira Yerusaalamete hee'ranno gede hixa ga'ni. Hakkiinni gatino manni kayinni wole katammara hee'ri.

²Mannuno Yerusaalamete hee'rate sumuu yitinore baala maassi'rinsa.

³Yihudunna Biiniyaami ga're manni Yerusaalamete teesita, gatinohu Israeelete manni, qeesootu, Leewaawootu, Qullaawu Mini soqqamaanonna Selemooni soqqamaano ilama ikkitinori uminsa jajja amaxxite katammansara gattino. Yihudu ga're giddonni Yerusaalamete teessinori: Mittu Atayaati. Ataya Akaakka: Uuziyaati, Zakkaariyaasiiti, Amaariyaati, Shefaaxiyaati, Melaalieeliiti; Melaalieeli qole Faareesi ilamaati.

⁵Layinkihu Maiseyaati. Maiseya akaakka: Baarookiiti, Kolihoozeeti, Hazayaati, Adayaati, Yoyariibiiti, Zakkaariyaasiiti.

⁶Faareesi sirchi giddonni 468 jawaatu manni Yerusaalame teesso assi're hee'ri.

⁷Biiniyaami ga're giddonni: Saaluuti. Saalu akaakka: Meshulaamiiti, Yoeediiti, Pedayaati, Qolayaati, Maiseyaati, Itieeliitinna Yeshaiyaati.

⁸Saalura gamba yitino fiixi Gabayinna Salayiiti. Mitteenni 928 Biiniyaamooti Yerusaalamete heedhino.

⁹Ziikiri beetti Iyueeli insara sooreessansaati. Hasenua beetti Yihudu kayinni layinki sooreessaati.

¹⁰Qeesootu giddonni: Yoyariibi beetti Yidaiyanna Yakiiniiti.

¹¹Seeraya Hiliqiyaho. Akaakkasi: Meshulaami, Saadooqi, Merayootiitinna Maganu Mini towataanchi Ahixuubiiti.

¹²Tenne gosa giddonni mitteenni 822 manni Qullaawu Mini giddo soqqamaanote. Pelaaliya beetti beetti Yerohaami ilinohu Adaya, akaakkasi giddonnino Amitsi, Zakkaariyaasi, Pashihuurinna Malkiya heedhino.

¹³Tenne gosa giddo mine mineho umo ikkitinori 242 manni no. Ahizayi beetti beetti Azaarieeli ilinohu Amashesayaati; akaakkansa giddonnino Meshilemootinna Imeeri heedhino.

¹⁴Kunni boosaalli giddo 128 jawaata gaaddo no. Tenne gaaddora roorrichinsa Hagidoliimi beetti Zabidieeli qara mine ilaminoho.

¹⁵Leewaawootu giddonni: Aziriqaami beetti beetti Hashuubi ilinohu Shemaiyaati; akaakkasino Hashaabiyaatinna Buuniiti.

¹⁶Shabatayinna Yozaabaadi yinanniri Leewaawootu sooreeyye Qullaawu Minira gobbaanni loonsanni loosira annimma noonsareeti.

¹⁷Asaafi sirchi Zabiidi beetti beetti Miika ilinohu Maataaniya Qullaawa Mine galatu huuccatto shiqishshannorira roorrichaho. Baqibuqiya Maataaniya kaa'laanchooti. Yidutuni sirchinni ilaminohu Galaali beetti beetti Shamua ilinohu Abidaati.

¹⁸Leewaawootu giddonni mitteenni 284 manni Yerusaalamete hee'rino.

¹⁹Qullaawu Mini agaraasine: Aquubi, Xalimooninna ayiddinsa mitteenni 172 mannaati.

²⁰Wolootu Israeelete manni, gattino qeesootinna Leewaawootu jajjansa amaxxite noo noowa wole Yihudu katammara heedhu.

²¹Qullaawu Mini soqqamaano Yerusaalamete Katamira Oofeeli yinanniwa heedhino. Looso Tsihanna Gishipa yinanniri towattanna loossino.

²²Yerusaalamete noo Leewaawootira roorrichu, Hashaabiyi beetti beetti Baani ilinohu Uuziiti; akaakkasino Maataaniyanna Miika ikkitanna, Qullaawu Minira shiqinshanni faarso haja la"annohu Uuzi Asaafi sirchooti.

²³Barru barrunkunni shiqqanno faarsora manna worrannihu mootete hajajo garinniiti.

²⁴Yihudu ga're giddonni Zaarahi ilama ikkinohu Meshazaabieeli beetti Fetahiya, Faarisi gobbara mootete mine Israeelete mannira lekka ikke hee'ranno.

²⁵Lowo manni loosi'nanni baatto mule Qiriyaati Arbai, Dibooninna Yiqebitsieeli yinanni qachuwaranna katammara hee'rino.

²⁶Hattonni Iyyaasu, Molaada, Beeti-Peleexinna,

²⁷Hatsaari-Shuaali yinanni katammara, Bersaabehiranna qooxeessaho noo qachuwara heedhino.

²⁸Tsiqilaagi katammara Mekkonnanna qooxeessisira noo qachuwara,

²⁹Ayini-Remooni, Tsoria, Yarmuuti,

³⁰Zanoha, Adulaaminna qooxeessinsara noo qachuwara heedhino. Lakiishinna qooxeessisira nootera loosi'nanni baattora, Azeqanna qooxeessisira noo qachuwa baala insa heedhino dargaati. Kunni garinni Yihudu manni wodiidoonni Bersaabehi, aliyyeenni Bersaabehinna Hinoomi Lagichi mereero hee'rino.

³¹Biiniyaami manni Geeba, Mikimaasi, Ayi, Beetelinna qooxeessisira noo qachuwara hee'rino.

³²Anatooti, Noobi, Anaaniya,

³³Hatsoori, Raama, Gitayimi,

³⁴Hadiidi, Tseboyimi, Nebalaaxi,

³⁵Loodinna Oononna, «Angate Loosi Ogeeyye Lagicha» yinanniwi baalu insa heedhinowaati.

³⁶Yihudu gashshootira heedhino Leewaawooti giddonni gamisu Biiniyaami ga're ledo heedhanno gede assinoonni.