Read Sidama_Qullaawa _Maxaafa ASTEERI 3 Bible Online

ASTEERI 3 - Sidama_Qullaawa _Maxaafa bible

ASTEERI 3

¹Shiima yanna gedensaanni, moote Arxekisiisi Haama yinanniha Agaagichu Hamedaata beetto gashshootisira aliidiha asse shoomi.

²Qoleno moote mootimmasi giddo noo gashshaasine baala guluphite keere haadhannosi gede hajaji. Insa baalunkuno hajanjoonninsa gede ikkitu. Konne coye kayinni Merdookiyoosi callu giwino.

³Gashshootu mini loosira worroonniri wolootu gashshaano Merdookiyoosi, «Mootete hajajo mayira diigatto?» yitanni,

⁴barru barrunkunni hedosi soorritara wo'naaltu. Isi kayinni insa yitinota macciishsha giwe, «Ani Ayihudichaho; Haamarano dikumbuuleemmo» yee murtesi kulinsa. Insano, «Tenne Merdookiyoosi ikkito macciishshe Haama cince afa ikka?» yite dhaggeeffattanni marte kultusi.

⁵Haamano Merdookiyoosi guluphe kumbuulannosikkita afihu gedensaanni lowo geeshsha hanqi.

⁶Hakkiinnino sae, Merdookiyoosi Ayihudicha afe, iso calla qorichisha assitannori dino yee hedi. Kunnira Faarisi gashshooti giddo heedhanno Ayihude baala shee gudate doogo qixxeessi'ri.

⁷Arxekisiisi moohihunni tonaa layinki diro, Nisaani yinannihura umi aganira Puriimi yinanni hixa tunge Ayihude gudate malloonni mali wo'mate injaanno aganinna barri hiikkonneetiro buunxanni gede hajaji. Hixu garinni Adaari yinannihu tonaa layinki agani eihunni tonaa sayikki barra ikkanno gede hirqini.

⁸Kunnira, Haama moote Arxekisiisira, «Gashshootikki giddo gobba baalate farsha yite heedhannoti mitte gosa no. Tini gosa wole gosawiinni baxxitino woga afidhinote. Hakkiinnino sa'e, gashshootikki seerirano dihajajantannoreeti. Konne manna sammi yite agurittoro atera dancha di"ikkanno.

⁹Moote, tenne gosa shine gundanni gede lallawa fushshittoro woyyate. Hatto assittoro, gashshootikki haja kaa'late ikkanno gede 340,000 kiilo keenannoha kinchu birra abbe mootimmannihura miinju mine woreemmo» yii.

¹⁰Mooteno lallawu aana ganatenna lallawuno xawo fulanno gede assate cuuichosi haa're Ayihudete baarigaarira Agaagichaho Hamedaata beettira Haamara uyi.

¹¹Qoleno, «Kuneeti tini gosa, jajjinsa ledo ate anga noo daafira hasi'ritto gede assi» yee fajjisi.

¹²Kunnira umi agani eihunni tonaa sayikki barra, Haama mootete borreessaano woshshe, lallawa addi addi afiinni tirre budu budu garinni borreessine addi addi gobba gashshitinoriranna roorroota baalaho sonkanni gede hajaji. Lallawano moote Arxekisiisi su'minni borreessine cuuichosi aanaho ganni.

¹³Konne lallawa mootete gashshooti giddo noo gobba baala iillishanno gede rahe dodanno manna sonki. Kuni lallawi Adaari yinannihura tonaa layinki aganira tonaa sayikki barra Ayihude baala aja akkala, meya labbaaha, qaaqquullu nafa gatikkinni shine gundanni gede fushshinoonniho. Qolleno mararro nookkiha gorrine gunde jajjansa baalano saammanni gede hajanjoonniho.

¹⁴Hakku hirqinoonni barri daanno woyite mannu qixxaawe agaranno gede baalunkura lallambe kulli.

¹⁵Moote hajajino garinni, dannawu katamira Suusaho lallawa faajjete egensiinsi. Rahe iillishanno gede sonkoonni mannino sokka gobba baala tuqisi. Dannawu katami Suusa hembeelame hee'reenna mootenna Haama mitteenni ofolte woyinete xajje agganni no.