Read Sidama_Qullaawa _Maxaafa FULO 31 Bible Online

FULO 31 - Sidama_Qullaawa _Maxaafa bible

FULO 31

¹Kaaliiqi Muse,

²«Kune haxiriggootu ga'renni Huuri beetti Uuri ilinoha Baasilaeeli dooroommo.

³Looso baalanka buuxatenninna xiinxallatenni, hayyotenninna ogimmatenni loosa dandaanno gede Ayyaana'ya wonshoommosi.

⁴Kunni daafira culkunni, birrunninna camotenni addi addi uduunne seekkanno.

⁵Kinnanna haqqa bocanno; wolereno seekkanno gede ogimma oommosi.

⁶Isi ledo loosanno gede, Daani ga'renni Ahisamaaki beetto Oholiaabi dooroommo; hajajoommore baala assitanno gede ogeeyye baalate ogimma oommonsa.

⁷Xaadu Dukkana, Gondooru Taabootanna aanasi nooha Maarote Barcima, Dukkanu giddo uduunne baala,

⁸xarapheezzanna aanisi uduunne, filu culkinni seekkinoonniha caabbicho worrannihanna ledo uduunne baala, hixaana giirranni uduunnichira, shilqote kakkalora ikkannoha kakkalote darganna ledo uduunne baala, hayishshi'nanni gabate ise worranni shae,

¹⁰Aarooninna oososi soqqantanno yannara uddidhannota biifado qeesimmate uddano,

¹¹buurranni zayite, Qullaawu Dargira ikkannoha tanni yee su'naanno hixaana ani hajajummohe garinni seekkitona» yiisi.

¹²Kaaliiqi Muse,

¹³Israeelete mannira, « ‹Ani Kaaliiqi ki'ne manna'ya assi'roommota egensiisate hegere malaate ikkara oommoha Fooliishshote Barra ayirrisse.

¹⁴Kuni barri qullaawa ikkino daafira ayirrisse; konne barra ayirrisa giwe looso loosi'rannoha manni'ya ledo hee'rannokki gede shinona.

¹⁵Looso'ne 6 barra loosidhe; lamalki barri kayinni anera qullaawa barraati; kunni barrinni loosi'rannohu baalu horonta reyo.

¹⁶Israeelete manni Fooliishshote Barra gondooru malaate asse ilamate ilama geeshsha ayirrisona.

¹⁷Ani gordonna baatto 6 barrinni kalaqe gude, lamalki barra fooliishshi'roommo daafira, anenna Israeelete mereero hegere malaateeti› yite kulinsa» yii.

¹⁸Maganu Siina Ilaalira Muse ledo hasaawa gudihu gedensaanni, angasinni borreessinota boncoonni kinna gondoorunnita uyisi.