Read Sidama_Qullaawa _Maxaafa FULO 35 Bible Online

FULO 35 - Sidama_Qullaawa _Maxaafa bible

FULO 35

¹Muse Israeelete manna baala gamba asse, «Wonshitinanni gede Kaaliiqi uyino'ne hajajo tenneeti:

²Lee barra loosidhe; lamalki barra kayinni fooliishshidhinanni gede Kaaliiqi qullaawa assino; kunni barrinni loosi'ranno mancho shinona.

³Fooliishshote Barra mine'ne giira nafa giidhitinoonte» yiinsa.

⁴Muse Israeelete manni baalunkura, «Kaaliiqi,

⁵‹Noo'ne jajji baalunkunni Kaaliiqira afansha uuyye; wodanisinni aate hedinohu baalu: Culka, birra, camo,

⁶bule, xiillittenna duume shalo, meu ordanni gannoonni imaana,

⁷duumo ge'rechu goga, cuukkinoonni goga, waaccote haqqe,

⁸caabbichu zayite, buurranni zayiteranna hixaanaho worranni qimame,

⁹qeesete roorrichi uddi'rannotera gagasu uddanoranna gagasu kiisera worranniha addi addi dilqa abbona.

¹⁰« ‹Giddo'ne noo ogeeyye dagge Kaaliiqi hajajinore baala seekkitona.

¹¹Dukkananna isira aanaanninna giddoonni dimbannire, qarabba, waalchuwa, waawanna, tuuqqanna lekkuwansa,

¹²Taaboota, Taaboota dunkanni dawaayye, maarote barcima, Taaboota goltanno dukko,

¹³xarapheezza, dawaayyenna ledosi uduunne baala, qullaawa tima,

¹⁴caabbicho worrannihanna ledo uduunne baala, caabbiyyenna zayite,

¹⁵hixaana giirrannihanna dawaayye, buurranni zayite, tanni yee su'naanno hixaana, dukkanu xullichira gollanni dukko,

¹⁶shilqote kakkalo kakkallanni uduunnichonna buluulo sayisannoha camonniha meemmaamo uduunnicho, dawaayye, hayishshi'nanni saanenna shaese,

¹⁷nafari dukko, tuuqqanna lekkuwansa, waalchu dukko,

¹⁸nafari huxxi ciffa, dukkanu ciffa, siibbanna,

¹⁹qeesootu Qullaawa Mine soqqantanno woyite uddidhannoha Aarooniranna oososira qeesimmate ikkannoha seesiinse gannoonni imaana baala seekkitona yiino› » yii.

²⁰Muse hasaawa gudihu gedensaanni, Israeele baalanti ka'e hadhu.

²¹Hakkunni gedensaanni, baalunku wodaninsanni heddino garinni Xaadu Dukkanira ikkannore, qolteno qeesimmate uddano gannanni uduunne baala afansha assite abbitu.

²²Labballunna meentu wodaninsa hedinoha culku uduunne baala, ilka, maccate qalawate, angate cuuenna goowu irra abbite Kaaliiqira uyitu.

²³Bule, xiillittenna, duume shalo, shaalado uddano, meu ordanni gannoonni imaana, duumo ge'rechu goci goganna cuukkinoonni goga afi'rinohu baalu haa're abbi.

²⁴Birra woy camo aate dandiinohuno Kaaliiqira afansha asse uyi; waaccote haqqe afi'rinohuno Xaadu Dukkanira ikkanno gede haa're abbi.

²⁵Ogimma afi'rino meentino angansanni ganinota bule, xiillittenna, duume shalo, hattono suqqinoonni shalono haa're abbi.

²⁶Uminsanni kakkainohu ogimma afi'rino meenti, meu ordanni heqo seekki.

²⁷Roorrootuno gagasu uddanoranna gagasu kiisera worrannire addi addita dilqu kinna,

²⁸caabbichu zayite, buurranni zayiteranna tanni yee su'naanno hixaanira worranni qimame abbitu.

²⁹Israeelete manni meya labbaahu wodanisinni kakkae Musera Kaaliiqi hajajino loosi baalunkura ikkanno afansha uyi.

³⁰Muse Israeelete mannira, «Kaaliiqi haxiriggootu ga'renni Huuri beetti Uuri ilinoha Baasilaeeli doorino.

³¹Loosannore baalanka, xiinxallatenninna buuxatenni, hayyotenninna ogimmatenni loosanno gede Maganu Ayyaanasi wonshinosi.

³²Ogimmatenninna hayyotenni culkunni birrunninna camotenni seekkinanniha, migiraho ikkannoha dilqa kinchonna haqqa bocanno gedenna, ogimmate looso baalanka loosanno gede guunte uyinosi.

³⁴Isiranna Daani ga'rehura Ahisamaaki beetti Oholiaabira woloota rosiissanno egennono uyinonsa.

³⁵Siwiila tumannohu, ogeessu loosaasinchi bule, xiillittenna duume shalonni, dancha shaalado uddano, uddano ganannohu seekkinotanna hayyotenni loonsanni looso baala biifissanno gede ogimma uyinonsa.