Read Sidama_Qullaawa _Maxaafa IYYOOBI 13 Bible Online

IYYOOBI 13 - Sidama_Qullaawa _Maxaafa bible

IYYOOBI 13

¹«Kuneeti, konne baala ille'ya la'ino; macca'yano macciishshitino.

²Ki'ne affinoonnire anino afoommo; ani ki'newiinni diajeemmo.

³Ikkollana, gereerama'ya Wo'manka Dandaanno Magani ledooti ikkinnina, ki'ne ledo di"ikkitino. Kunni daafira, haja'ya isi ledo coyi'rameemmo.

⁴Ki'ne kayinni, egenno bunshetenni dibbinannireeti; ki'ne baalunku ba'raassinoonnikki xagisaanooti.

⁵Sammi yaa'ne egennote kiirantanno'ne gede, sammi yitine heedhinoommero maaho!

⁶Xaano yekkeerama'ya macciishshe; gereerama'yano seekkitine macciishshe.

⁷Maganu su'minni beebba mayira coyidhinanni? Dogatenni iso hagiirsiissinanniha lawanno'neni?

⁸Woy Maganoho golantinannisini? Maganoho ha'litine coyi'rantinannisini?

⁹Maganu qonqolche laoommero, ki'ne giddonni dancha coye afi'rannoni? Woy manna gowwissinanni gede, isono gowwisa dandiitinannini?

¹⁰Maaxxine golantiniro, halaaleho isi rufanno'ne.

¹¹Gaacheenisi diwaajjishanno'ne? Xirchisi dimasisanno'ne?

¹²Maammaashshi'ne buluulu gede kaa'lannori dinooho; yekkeerama'ne sabbu wonqo gedeete.

¹³«Ki'ne sammi yiiyye; aneno coyi'reemmona agurre"e; hakkunni gedensaanni, ikkiri ikkona.

¹⁴«Kuneeti wo'munku coyira qixxaawoommo; heeshsho'yano sayise aate kaoommo.

¹⁵Kuneeti, Maganu hasi'riro shooe; ani kayinni isolla hexxeemmo; danduummo geeshsha isi ledo coyi'rameemmo.

¹⁶Magano afinokki manchi, albisira shiqa dihasiissanno; ani kayinni, Maganu albaanni uurreemmo; isino gatisannoe.

¹⁷«Coye'ya seekkitine macciishshe; ani kuleemmo'nere seekkitine buuxxe.

¹⁸Kuneeti, yekkeeramate qixxaawoommo; Maganuno ati sao assootto yaannoekkita afoommo.

¹⁹Magano, atilla cubbaataamoho yiittoero, sammi yee reemmota ikkinnina, wole hige ma"asseemmo?

²⁰«Ikkollana lame coye abbitootie; qorichishshanno anga anewiinni hooli. Xirchikkino masisoonke"e; hatte woyite albikkira shiqa dandeemmo.

²²Ani dawareemmona, ati balaxxe coyi'ri. Woy ani balaxe coyi'reemmona, ati dawarie.

²³Loosoommo saonna cubbu mageeshshiho? Hajajama hooga'ya mageeshshitero egensiisie.

²⁴Albakki anewiinni shawwu assitooti; diinu gede assite mayira la"attoe?

²⁵Ane giggiltino daro gedeeha mayira qarrisattoe? Moolino kura laweemmoha mayira shorrattoe?

²⁶Anera kiiroottohu abbooshshu bati'raho; anje hee're assoommo cubbo nafa diaguroottoe.

²⁷Doogo'ya baala xunsite laootto daafiranna, qaafo'ya buuxxe laootto daafira, lekka'ya quwetenni usurootto.

²⁸«Kunninni kainohunni, huqu qasino haqqi gede ikkoommo; bile ittino imaani gede ikke baoommo.