Read Sidama_Qullaawa _Maxaafa IYYOOBI 16 Bible Online

IYYOOBI 16 - Sidama_Qullaawa _Maxaafa bible

IYYOOBI 16

²«Togoo coye coyidhinanna kunni albaannino macciishshoommo; ki'ne baalunku coyidhinannihu, ane daafursannoeho ikkinnina kaa'lannoeha di"ikkino.

³Kunni kaphi'nera gawalo dino; kageeshshi geeshsha ane ledo yekkeeramate kakkayisino'nehu maati?

⁴Ki'ne ane ikkitinoommero, ani ki'ne gede coyi'rammora dandeemmo; tenne irki're, hasi'rummore coyi'reemmohu baino!

⁵Woleteemmero seejjo'yanni jawaachishe, coyi'yanni sheshifachisheemmo'nehu gatino.

⁶«Ani coyi'rummorono dhibbi'ya diwoyyaawannoe; sammi yuummorono qarru diagurannoe.

⁷Magano'ya, xa lowo geeshsha daafursoottoe; maate'ya baala diigootto.

⁸Soro'ya leellishate, kinchu gede mooshshoottoe; giwoottoeta kulate, siqqote gede shaashshoottoe.

⁹Ati hanqikkinni manninate'ya billabiinxe fushshootto; diinu gede hinko ga'midhe laoottoe.

¹⁰«Mannu arrassie; mishanni baqqaalla qawaadie; mitteenni gamba yee aanaho cuuncie.

¹¹Maganu bushu mannira sayise uyinoe; kaajjaddu anga tuginoe.

¹²Qawaaxxi're dancha heeshsho hee'reemmoha, haxo'ya qase amade cancaninoe. alaama ronsanni darga assinoe.

¹³Maxxisi ragu baalunni daye qasinoe; mararikkinni godowa'ya dare, giddoyidi'ya leellanno gede assino.

¹⁴Madate aana mada ledinoe; wolqaataamu bagadaanchi gede gugguufe daye qasinoe.

¹⁵«Wo'manka woyite xiddu uddano uddi'roommo; qeelame bukote aana diriiroommo.

¹⁶Wi'late batinyinni kainohunni albu darshinoe; hindiiddote batinyinni ille tunsitinoe.

¹⁷Ikkollana, anga'ya bunshe diloossino; Magano xalalu wodaninni huucci'reemmo.

¹⁸«Baatto, reyanni noommona, mundee'ya maaxxooti; yoo afi'rummokkinni raare'ya diwante gattoonke.

¹⁹Xa nafa kuneeti, naqaashshe'ya gordoho no; Maganu anera ha'le coyi'ramannoe.

²⁰Jaalla'ya qacifattuero nafa, ani kayinni, Maganu albaanni hindiiddo'ya duneemmo.

²¹Mannu jaalisi daafira eegamannonte gede, ane daafira yee Maganoho eegamannoehulla mayi hee'rae!

²²Shiima yanna gedensaanni, ani higeemmokkiwa ha'reemmo.