Read Sidama_Qullaawa _Maxaafa IYYOOBI 17 Bible Online

IYYOOBI 17 - Sidama_Qullaawa _Maxaafa bible

IYYOOBI 17

¹«Lubbo'ya daafurtino; barri'ya qeelameenna, waammano qixxaabbinoe.

²Qacifattannoeri doyissite nooe; gibbannoenna arrassitannoe gara baala afoommo.

³Magano, ate agurranna wodannoehu dinona, waase ikkite qarru giddonni fushshie.

⁴Jaalla'ya wodanchitannokki gede, wodanansa amadoottohu ateetina, gartannoe gede assitootie.

⁵Jaalasi woxeho sayise hirannohu, oososi qarru giddo tuganno.

⁶Ati kayinni, ane mannaho maammaashsha assoottoe; insano gibbannoe; malxifattannoe.

⁷Dadillunni kainohunni ille jaaroortue; manninati'ya buuyyichu geeshshiha ikkino.

⁸Suwashshu manni konne coye lae maala'lanno; hanqe, ‹Isi Magano diafinoho› yaannoe.

⁹Keeraano doogonsa aana kaajjite uurritanno; xalala wodana afidhinori wolqa lexxitanno.

¹⁰Ikkollana, ki'ne baalunku galagaltine anewa amme! Ki'ne giddonni mitto egennaamono diafi'roommo.

¹¹«Barri'yano goofino; hedo'yanna hexxo'ya murantino.

¹²Hashsha, barraho yitanno; hashshu taalootira, sooda rahino yitanno.

¹³Agarte nooeti reyo callate; reemmo yannara tunsichu giddo goxeemmo.

¹⁴Moogo, ‹Ati anna'yaati› ittannoe da'muullano, ‹Ama'yaatinna meya rodoo'yaati› yeemmo.

¹⁵Kunni ka'a mayi hexxo nooeyya? Hexxo ikkannore maminni anfannie?

¹⁶Jeennaate dirreemmo woyite, hexxo hoode'ya dihadhanno» yii.