Read Sidama_Qullaawa _Maxaafa IYYOOBI 19 Bible Online

IYYOOBI 19 - Sidama_Qullaawa _Maxaafa bible

IYYOOBI 19

¹Iyyoobi daware,

²«Lubbo'ya caacceessitinanni, afuunni qaqqassinanniehu mamooti geeshshaati?

³Horonta saalfattinannikkiha, kuneeti tonne higgine xontinoonnie;

⁴Sao assoommoha nafa ikkiro, umo'ya ikkinnina ki'ne digawajjeemmo.

⁵Anenni ki'ne woyyitinanni gede heddinanni; ‹Cubbo loosinota qarrisi egensiisanno› yitinanni.

⁶Qarru giddo tuginoehunna, amaddanno woshshaado worinoehu, Magano ikkinota affinara hasi'reemmo.

⁷Kuneeti, assinoonnie beebbara, raareenna macciishshannoehu dihee'ranno; ku'le halaale fushshannoeha diafi'reemmo.

⁸Maganu saeemmokki gede doogo cufinoe; doogo'ya tunsichunni beeshshino.

⁹Ayirrinye aani'yanni mulqino; egennaminoha su'ma'ya shollishino.

¹⁰Biso'ya baala gane cancanino; hexxo'yano buqqisamino haqqi gede assino.

¹¹Hanqisi ane aana buwino; diinu gede asse qasinoe.

¹²Olantosi mitteenni dagginoe; mini'ya gaangaawira qiishidhe, gawajjitaera qixxaabbino.

¹³«Maganu roduuwa'ya habbannoe gede assino; egentinoerirano wosincho ikkoommo.

¹⁴Fiixi'yanna jaalla'ya, anewiinni xeertidhe hadhe habbinoe.

¹⁵Mini'yara dayino wosini hawinoe; soqqamannoe meentirano wosincho ikkoommo.

¹⁶Soqqamaanchi'ya woshshi'reemmo woyite, kaa'laera yee woxaratummoro nafa yee diyaannoe.

¹⁷Ayiddaama'ya foole'ya gibbinoe; roduuwi'ya ama'ya oosono boshshidhinoe.

¹⁸Noommowiinni kaeemmo woyite, qaaqquullu nafa arrassitanni oso'litannoe.

¹⁹Muli jaalla'ya nafa tiyyidhe gibbinoe; baxeemmonsarino badhe wodhitinoe.

²⁰Maalu goofeenna miqichu callu gatinoe; reyote gambise gatoommo.

²¹Maganu anga gantinoena, ki'ne jaalla'ya ballo, mararre"e.

²²Ki'neno Maganu gede mayira qarrissinannie? Qarrissinoonnie geeshshi di"ikkino'ne?

²³«Xa mayi coyi'reemmorella borreessannohu hee'ra! Baalanka mayi tajete amadannohulla hee'ra!

²⁴Coyi'reemmori baikkinni hegerera keeshshanno gede, kinchu aana borreessine worrannihu baino!

²⁵Ane gatisannoehu kayinni heeshshonniha ikkinota, goofimarchohono coyi'rannoeta afoommo.

²⁶Kuni gogi'ya itame goofiro nafa, tennenni hee're Magano afeemmo.

²⁷Ani umi'ya ille'yanni laeemmosi; jaali'ya gede asse laeemmosi; kunni daafira, iso afate lowo geeshsha quqquxamoommo.

²⁸‹Kunni coyira kaimu iso umosiitina, hiitto assine qarrinsosi› yitiniro,

²⁹halaale fushshannohu noota affinanni gede, Maganu hanqe cubbaataamma qorichishannona waajje!» yii.