Read Sidama_Qullaawa _Maxaafa IYYOOBI 23 Bible Online

IYYOOBI 23 - Sidama_Qullaawa _Maxaafa bible

IYYOOBI 23

¹Iyyoobino qole,

²«Raaranni hee'reennanni lede gananni nooe daafira, xaano qole Maganolla abbooshshi'reemmo.

³Iso anfanniwa afoommoronna, yoo yaannowa afoommoro,

⁴coyi'reemmore qixxeessi'reemmohunna, keeraancho ikka'ya egensiiseemmosihu baino.

⁵Yee dawarannoere afammora hasi'roommo; yaannoereno buuxeemmohu baino.

⁶Hattenne wolqasinni ane ledo yekkeerama ikka? Yeemmore macciishshannota ikkinnina, hatto diassanno.

⁷Halaale amade noommo daafira, coye'ya Maganunniwa massi'reenna, isino keereense, hegerera keeraanchoho yaannoehu baino.

⁸«Ikkollana, alba qole laeemmo woyite Magano diafoommo; badhe higeno laoommo; hakkono dino.

⁹Maganu, qiniite'yaannino gura'yaannino loosanni no; ani kayinni diafoommosi.

¹⁰Ani ha'reemmo doogo egennino; fonqole la"annoe woyite, culku gede xalala ikkoommota afanno.

¹¹Isi kadiwa kadanni ha'roommo; ka'a kawa higummokkinni doogosi seekke agadhoommo.

¹²Hajajinoere baala wonshoommo; kulinoere baala wodani'yara wodhoommo.

¹³«Hedosi soorrikkinni noowa hee'ranno; hasi'rire assa dandaanno.

¹⁴Anera hedinore wonshanno; anera hedinoti woleno lowo hedo no.

¹⁵Kunni daafira, iso lowo geeshsha waajjeemmo; isinni xaadeemmota hedeemmo woyite maseemmo.

¹⁶Maganu wodana daaqisinoe; Wo'manka Dandaanno Magani masisinoe.

¹⁷Maganu tunsichunni beeshshe hee'reennaenni, sammi yaa dihasi'roommo» yii.