Read Sidama_Qullaawa _Maxaafa IYYOOBI 24 Bible Online

IYYOOBI 24 - Sidama_Qullaawa _Maxaafa bible

IYYOOBI 24

¹Iyyoobi lede coyi'ranni, «Wo'manka Dandaanno Magani yoote barra mura mayira giwi? Soqqamaanosi yoote barra agadhitanni, mageeshshi geeshsha keeshshitanno?

²Bushuullu manni danna xiibbanno; manni saada moorte uminsata assidhanno.

³Anniweelo ooso harre wolqatenni adhitanno; galte shii'rino meenti handa amadote adhitanno.

⁴Buxane doogote aaninni xiibbe fushshitanno; gadadaammu insawiinni xooqqe maaxantanno.

⁵Kunninni kainohunni, buxane oosonsara sagale hasidhanni, halallitte baattora gobba harre gede mullawa raataabbanno.

⁶Wolu manni gate gide gamba assitanno; bushu manni gatinni woyinete laalo gurtanno.

⁷Hashsha uddano nookkiha mulluwu galtanno; qiidu yannarano uddidhannore diafidhino.

⁸Ilaallate iima dirranno xeeni aanaho eelannonsa; xee'nitannowa hoogge kinnate giddo suuqantanno.

⁹«Bushu manni, anniweelo qaaqqo unuunu qarrinni wolqatenni adhanno; qarraataammu ooso amadote adhanno.

¹⁰Imaanu nookkiha mulluwu hadhanno; gide dukke heedhenni hudidhanno.

¹¹Bushu manni gate, ejersunnitanna woyinete laalo, huuncitanni heedhenni goodhanno.

¹²Katamu giddo reyanno manni qaanqaatanna macciishshinanni; madi'rino mannino kaa'linansara woxaratanno. Maganu kayinni konne loossinore sammi yee la"anno.

¹³«Mitu manni xawaabba dibaxanno; xawaabbu ma kaa'lannoro afinokki daafira, hakkaanni hige diha'ranno.

¹⁴Manna shaannohu soodikkinni gute ka"anno; qarraataammanna buxane shaanno; hashshano mooraho ha'ranno.

¹⁵Foorannohu siphi yaannota agaranno; ayino afannosikki gede, alba diphanno.

¹⁶Mooraano hashsha minna untanno; xawaabba gibbanno daafira, barra maaxante hossanno.

¹⁷Beebbu tunsichi insara soodo gedeeti; waajjinanni tunsichi fiixansaati.

¹⁸«Ati kayinni, ‹Hakkonne manna lolahu adhe ha'ranno; baattonsano rumantinota ikkitanno; gatinsarano loosoho marannohu dihee'ranno.

¹⁹Kaade iibbillunni, wayino moolletenni foorare goofannonte gede, cubbaataammuno reyite jeennaate e'e gattanno.

²⁰Amuuwinsa nafa diqaagannonsa; maalansa da'muulla ittanno; murroonni haqqi gede ubbe gattanno› yootto.

²¹«Kuni baalu iillinonsahu, ilaweelo meento wolqatenni ittannohuraatinna, galte shii'rino meento marartannokkihuraati.

²²Maganu kayinni, wolqaataamma goshooshe tuganno; qiniinonsaha lawinsaro nafa, hee'rate hawaqidhannori dinonsa.

²³Maganu keerunni heedhanno gede fajjinsaro nafa, hadhanno doogo seekke illaallisanno.

²⁴Bushu manni shiima yannalla ayirranno; ishinu gedenna, murroonni gidi gede mulenni moolanno.

²⁵Kuni dinooreeti yee moromannohu nooni? Coyi'roommo coye kaphoho yaannohu nooni?» yii.