Read Sidama_Qullaawa _Maxaafa IYYOOBI 33 Bible Online

IYYOOBI 33 - Sidama_Qullaawa _Maxaafa bible

IYYOOBI 33

¹«Iyyoobi, kuleemmohere macciishshie; yeemmohere baala macciishshie.

²Kuneeti, wodani'yara noore, coyi'rammora qixxaawoommo.

³Arrawi'yanni fulanno coyi, wodani'ya sumbe kulannoho; ani afoommorella coyi'reemmo.

⁴Kalaqinoehu Maganu ayyaanaati; lubbo worinoehuno, Wo'manka Dandaanno Magani fooleeti.

⁵«Dandaattoha ikkiro hanni dawarie; qolattori noohero, hanni ane ledo coyi'rami.

⁶Kuneeti, atinna ani Maganu albaanni taaloho; lamunku bushshunni kalaqammoommoreeti.

⁷Kunni daafira, ane waajjattori dinohe; anino atera diwolqiseemmohe.

⁸«Halaaleho, coyi'rittore baala macciishshanni keeshshoommo; arrawikkinni coyi'rootto coye macciishshoommo.

⁹Ati coyidhanni, ‹Ani mitte so'rono nooekki keeraanchooti; cubbu nooekki fayyaaleessaati.

¹⁰Maganu kayinni ane qorichishaera hasi're, diinu gede asse kiirinoe.

¹¹Lekka'ya quwetenni usure, ikkeemmota illaallisinoe› yootto.

¹²«Iyyoobi, kuni coyikki so'ro ikkinota kulammohera hasi'reemmo; Maganu manna baalanka rooreho.

¹³Tenne affanni heedhe, ‹Maganu mannu ku'lo dimacciishshanno!› yite, iso mayira abbooshshi'rattoyya?

¹⁴Mannulla wodancha hoogannota ikkinnina, Maganu addi addi doogonni coyi'ranno.

¹⁵Hashsha mannu takki yee goxe hee'reenna, Maganu haaqeetenninna ajuujatenni coyi'ranno.

¹⁶Hatte yannara, mannaho maccate coyi'ranno; mannano qorophishiishshisinni waajjishanno.

¹⁷Kunni garinni, Maganu mannu cubbo loosannokki gede assanno; boo'nano mannuwiinni hunanno.

¹⁸Lubbonsa ba'anno gede diassanno; reyotennino gatisannonsa.

¹⁹«Qoleno Maganu manna, qarrisanno dhibba soye seejjanno.

²⁰Dhiwamino manchi sagale ita dibaxanno; coommitanno sagale nafa kokke dihaadhannosi.

²¹Mannimmasi jaabbe shaalteenna, miqqa leeltanno.

²²Jeennaate eate gamba yaanno.

²³«Suwashsho doogo mannaho kultanno gede, kumunni kiirranni sokkaasine Maganunnite giddonni mittu isiwa daye, suwashsho doogo hiittenneetiro kulannosi.

²⁴Sokkaasinchuno, iso marare Maganoho, ‹Jeennaate dirrannokki gede agarisi; anino wondannisire afoommona› yaanno.

²⁵Manninatisi bashshowa higanno; anje wolqasi galagalte daggannosi.

²⁶Magano huucci'ranno yannara, isino huuccattosira dawaro qolannosi; Maganuno galagale baalanka coye biddi assannosi. Isino hagiidhanni magansi'rannosi.

²⁷Mannu albaanni faarsanni, ‹Ani cubbo loosoommo; suwino coye shokkishoommo; Maganu kayinni sao'ya garinni diqorichishinoe.

²⁸Jeennaate dirreemmokki gede gatisinoe; kuneeti xaa geeshshano lubbotenni noommo› yaanno.

²⁹«Maganu hige hige, konne coye assanno.

³⁰Mannano reyotenni gatise, hagiidhanni hee'ranno gede assanno.

³¹«Iyyoobi, kuleemmohere seekkite macciishshi; hanni ani coyi'reemmona ati sammi yii.

³²Ati sao assoottokkita afammora hasi'roommo daafira, hanni coyi'rattori noohero dawarie.

³³Hakkunni ka'a kayinni, ani egenno rosiiseemmohena, sammi yite macciishshi» yiisi.