Read Sidama_Qullaawa _Maxaafa IYYOOBI 40 Bible Online

IYYOOBI 40 - Sidama_Qullaawa _Maxaafa bible

IYYOOBI 40

¹Kaaliiqi lede Iyyoobira,

²«Halaalinta ati Wo'manka Dandaanno Magani ledo yekkeeramootto; xa sammi yaattonso, dawaro qolatto?» yiisi.

³Iyyoobi Kaaliiqira daware,

⁴«Kaaliiqa'ya, kuneeti ani mittoreno ditidhoommohona, beeshshi're sammi yaa agurranna atera maa dawareemmo?

⁵Lowore coyi're kaoommona, xa ledeemmori dino» yii.

⁶Kaaliiqino hombobolattete giddo hee're Iyyoobira,

⁷«Hanni mannu gede qodhite ka'e, xa'meemmohere qolate qixxaawi.

⁸Umokki keeraancho assite, ane halaale dawisoommohu gede kiirate wo'naaltanni nootto?

⁹Ati ane gede jawaata ikkoottoni? Qoonqokki anete gede ikkite xadhitannoni?

¹⁰Hattooha ikkoottoro, lowo ayirrinyinninna jawimmatenni kai! Xirchonna gaacheena tuulati!

¹¹Boonaleeyye la'e shollishi; hanqokkino aanansa dirrisi.

¹²Seekkite la'e saalfachishinsa; bushuulle rahotenni cancani.

¹³Baalanka baattote woroonni waami; jeennaate dirrisse usuri.

¹⁴Hatto assittoro umikki wolqanni qeeloottota, ani umi'ya farci'reemmo.

¹⁵«Ate kalaqummonte gede kalaqoommoha Bihemooti yinanniha jawa moyicho,[1] kuni moyichi handu gede hayisso itanno.

¹⁶Kune, bisisi giddo noo wolqanna, diimmichisi kaajjille lai!

¹⁷Farrisi daguchu haqqi gede suwinoho; lekkasi diimmichi lowo geeshsha kaajjadoho.

¹⁸Miqqasi camote siqqo gedeete; lekkasi siwiilu daabbi gedee kaajjadooti.

¹⁹«Isi ani kalaqoommo kalaqama baalatenni roore dhaggeeffantanniho; ane kalaqoommosiha agurranna qeelannosihu dino.

²⁰Wolu dubbu moyichi qooxeessisira burraaqanni hee'reenna, gaaru aana hayisso itanno.

²¹Utaame haqqe hunda ga'ranno; leephote aana fultanno allaado giddo maaxamanno.

²²Utaame haqqe caalira maaxamanno; lolahanno wayi gama fulanno haqqi caale ikkannosi.

²³Wayi wo'me dayenna dimasanno; Yordaanoosi Wayi aanasiinni hige sairo nafa diyaadanno.

²⁴Ille beeshshe amadasira, sano qase uurrisasira dandaannohu ayeti?» [2]