Read Sidama_Qullaawa _Maxaafa IYYOOBI 41 Bible Online

IYYOOBI 41 - Sidama_Qullaawa _Maxaafa bible

IYYOOBI 41

¹Halaalinta Lewaataani yinanniha baaru moyicho qarawunni amadattoni? Arrawosi siiwotenni usurte afattoni?

²Woy sanosi giddo siiwo worattoni? Woy baqqaallasi qarawunni qasse amadottoni?

³Halaalinta agurattosira huucci'rannoheni? Owaatu qaalinnino coyi'rannoheni?

⁴Hegerera borojjichokki ikkara, atee ledo gondooro eannoni?

⁵Cea godo'latto gede assite isono godo'lattoni? Woy seennikki godo'lanno gede usurte aa dandaattoni?

⁶Woshshaaddannori iso hidhitara heewisantannoni? Woy daddalaasine iso murmurte hira dandiitannoni?

⁷Halaalinta gogasi billawunni dara, umosino urdetenni qasse faca dandaattoni?

⁸Hanni kisse lai; shelleggamootto gara qaagganni, layinkimeeshsho iso dikisatto.

⁹Iso amadate heda haafaho; iso illetenni afihu baalu huxi'ranno.

¹⁰Iso seyate ga'rinowiinni kayisannohu dino; hatto ikkina, ane gereerara dandaannohu ayetiyya?

¹¹Qole aammosira balaxe anera uyinoehu nooni? Gordu woroonni noori baalu ane woxeeti.

¹²«Kunni moyichita danisi xumme, lekkasi kaajjille coyi'ra diagureemmo.

¹³Aaniidi gogasi ayi dulanno? Bixaalunni foxxoorannosihu ayeti?

¹⁴Waajjishshannoti hinkosi xaaddinoha, afoosi fanara dandaannohu ayeti?

¹⁵Badhesi mimmitu aana dirre worroonni wonqo labbanno.

¹⁶Mimmitunniwa gamba yite xaaddinore ikkitinohura, diilallote fooli nafa mereeroseenni hige sa"a didandaanno.

¹⁷Baalunku mimmitu aana qa'minoha ikkinohura, horonta mitturino badansara didandaanno.

¹⁸Isi hanxishshi'ranno woyite, xawaabbu billicci yaanno; illesi fultanni noo arrishsho labbanno.

¹⁹Afiisinni giirate buwani fulanno; giddosinni xoxinu kaate fulanno.

²⁰Huffanno midaanchonna giirantanno shomboqqo gede, sanosinni wiliile fultanno.

²¹Foolisi iibbilli cilaatte giiranno; giirate buwanino afiisinni fulanno.

²²Wolqa haxote noosi; iso illetenni afihu baalu mase quuranno.

²³Maalisi du'ma ikkinohura, shaqqadu bisisi nafa siwiilu gede kaajjanno.

²⁴Gagasisi kinchunna daammi-beettu gedee kaajjadooti.

²⁵Isi ka"anno yannara, wolqaataammu nafa massanno; waajjite xooqqe ba'anno.

²⁶Bisenna urde, digaanunna worbichu nafa, qase dimadiissannosi.

²⁷Isi siwiila galawu gede, camote siwiilano huqu qasino haqqe gede asse kiiranno.

²⁸Digaanu worbichono waajje dixooqanno; corqaayyete kinnano isi aana kuru gede ikkite gattanno.

²⁹Isi dulla hayissote gede asse kiiranno; mannu urde tuqqannosi woyite oso'lanno.

³⁰Godowisi gogi baccu gedee qaraamooti; sabba maarashunni daddarroonnihu gede assanno.

³¹Baaru waa ganfoonnihu gede asse hufisanno; midaanote ganfoonni zayite gede wacishanno.

³²Wayi giddora eanno woyite, badhesiinni xabbannotinna waajjo doogo leeltanno.

³³Waajja nookkiha kalaqaminohu, isi gedee kalaqami baattote aana dino.

³⁴Jajjabba kalaqama nafa mishanno; isi, bashshi assannokki kalaqami baalaho mootete» yii.