Read Sidama_Qullaawa _Maxaafa IYYOOBI 8 Bible Online

IYYOOBI 8 - Sidama_Qullaawa _Maxaafa bible

IYYOOBI 8

¹Shuhichu Beldaadi qole,

²«Coyi'ratto coyi diilallote gedeeho; togoo coye coyi'rattohu mamooti geeshshaati?

³Halaalinta Maganu yoo shokkishannoni? Wo'manka Dandaanno Magani halaale dawisannoni?

⁴Oosokki isi aana sao assitinoha ikkiro, insa saonsara malinore adhitino.

⁵Ati kayinni Maganunniwa higittoro, Wo'manka Dandaanno Magano huucci'rittoro,

⁶keeraanchonna suwashsho ikkittoro, Maganu rahe kaa'lannohe. Bainohere baala galagalche qolannohe.

⁷Kaimikki shiima ikkiro nafa, gedenikki lowo geeshsha lexxanno.

⁸«Heeshshonke haranchote; ninkeno be'rooreeti; anfoommorino dino. Baattote aaninni caalu gede ikkine sa'neemmoreeti; kunni daafira, albi egenno rosi; annuwanke rossino halaaleno buuxi.

¹⁰Insa rosiissannohehunna kultannohehu, uminsa afidhino egennonniiti.

¹¹Haqalu wayi nookkiwa fulannoni? hanxo caffu nookkiwa heedhannoni?

¹²Murre adhinannikki yannara anjenni, kuri wayi goofanni hee'reennanni balaxe moolanno.

¹³Magano hawino mannino hattooho; maganiweelu manni hexxono ba'annote.

¹⁴Hattoo manni hexxo murantannote; qiissanete mini gedeete.

¹⁵Qiissanete mini irki'niro uurrisannoni? Iso cu'mi'ne uurrine anfannini?

¹⁶Arrishshunni mu're jajja amadanno ishini gede, bushu mannino hatto ikke bati'ranno.

¹⁷Hakko ishini rumudda kinnate aana xaaxantanno; kinna baalate aana qa'mitanno.

¹⁸Dargunni buqqinsihu gedensaanni kayinni, hiikkiinni buqqinsoonniro afannohu dihee'ranno.

¹⁹Bushu manni hagiirrino hattooho; dargansa wolootu dagge adhitanno.

²⁰«Maganu ammanamino mancho dicallachishanno; busha mancho kayinni dikaa'lanno.

²¹Heeshshokkira galagalche hagiirre wonshanno; ilillisatto gedeno assannohe.

²²Gibbannoheri saala uddidhanno; cubbaataammu dukkani higiwa hoonganni» yii.