Read Sidama_Qullaawa _Maxaafa FAARSO 115 Bible Online

FAARSO 115 - Sidama_Qullaawa _Maxaafa bible

FAARSO 115

¹Ayirrinyu ninkera ikkikkinni Kaaliiqa, ninkera ikkikkinni, bagamannokkihu baxillikkiranna, halaalaanchimmakki daafira ayirrinyu atera ikko.

²«Daga Magani'ne mama no?» yitanni, mayira qacifattannonke?

³Maganinke gordoho no; isi hasi'rinore assanno.

⁴Insa magansidhannoti kaphu maganna kayinni, mannu anganni birrunninna culkunni seekkinoonnite.

⁵Afuu noonsana, dicoyidhanno; ille noonsana, dila'anno.

⁶Macca noonsana, dimacciishshitanno; sano noonsana, diulattanno.

⁷Anga noonsana, diamaddanno; lekka noonsana, dihadhanno; mitte huurono dinonsa.

⁸Seekkitunsarinna addaxxitannonsari baalu, insa gedeere ikkitanno.

⁹Ki'ne Israeelete manni kayinni, kaa'lanno'nehunna agaranno'nehu Kaaliiqa ikkinohura, iso addaxxe.

¹⁰Ki'ne Kaaliiqi qeese, kaa'lanno'nehunna agaranno'nehu iso ikkinohura, Kaaliiqa addaxxe.

¹¹Ki'ne waajjitinannisiri baalu, kaa'lanno'nehunna agaranno'nehu isootina, Kaaliiqa addaxxe.

¹²Kaaliiqi qaagannonke; qoleno maassi'rannonke; Israeelete mannanna qeese baala maassi'ranno.

¹³Waajjitannosire, jajjabbano ikko shiimmaadda baalanka maassi'ranno.

¹⁴Kaaliiqi ki'nenna ooso'ne, batidhinanni gede asso'ne.

¹⁵Gordonna baatto kalaqinohu, Kaaliiqi maassi'ro'ne.

¹⁶Gordu Maganunniho; baatto kayinni mannaho uyinote.

¹⁷Beeshshi'ne hee'nanniwa jeennaate einohu reyino manni, Kaaliiqa galatara didandaanno.

¹⁸Ninke kayinni lubbotenni hee'noommori xaanni kayinse, hegere geeshsha galanteemmosi. Kaaliiqira galatu iillosi!