Read Sidama_Qullaawa _Maxaafa FAARSO 118 Bible Online

FAARSO 118 - Sidama_Qullaawa _Maxaafa bible

FAARSO 118

¹Kaaliiqi shaqqado ikkino daafira, bagamannokkihu baxillisino hegereha ikkinohura, iso galattesi.

²Israeelete manni, «Bagamannokkihu baxillisi hegereho» yoo.

³Maganu qeesooti baalu, «Bagamannokkihu baxillisi hegereho» yito.

⁴Waajjitannosiri baalu, «Kaaliiqihu bagamannokki baxilli hegereho» yito.

⁵Shetummo yannara, qarra'ya Kaaliiqira ku'loommo; isino macciishshe tirinoe.

⁶Kaaliiqi ledo'ya hee're kaa'lannoe daafira, diwaajjeemmo; mannu assannoeri dino.

⁷Kaaliiqi kaa'leennae, baarigaarra'ya qeelantanna laeemmo.

⁸Manna irki'ratenni, Kaaliiqa hexxa woyyate.

⁹Roorroota hexxantenni, Kaaliiqa hexxa woyyate.

¹⁰Lowo diini gaangeessinoe; kayinnilla Kaaliiqi wolqanni gudoommonsa.

¹¹Madde tuqqe gaangeessitinoe; kayinnilla Kaaliiqi wolqanni gudoommonsa.

¹²Diishshote gede gaangeessitue; kayinnilla giira ittanno uti gede rahotenni giirantu; Kaaliiqi wolqanni gudoommonsa.

¹³Lowo gawajjo iilliteennae uwammora rahoommoha, Kaaliiqi kaa'linoe.

¹⁴Wolqa'yanna jawaante'ya Kaaliiqaati; gatisinoehuno isooti.

¹⁵Kaaliiqi manni dukkani giddo, «Kaaliiqiti jawaata anga lowo coye assitino! Jawaata angasi jawa coye assitino!» yinanni ilillinsanni ililleettenna qeexaala macciishshinanni.

¹⁷Lubbotenni hee'reemmo ikkinnina direemmo; Kaaliiqi loosono duduweemmo.

¹⁸Jaddotenni seejjinoe; kayinnilla reemmo gede diassinoe.

¹⁹Giddora e"e Kaaliiqa galaxxeemmo gede, Qullaawu Mini waalcho fanne"e.

²⁰Kuni Kaaliiqi waalchooti; hakkaanni higge keeraano e'anno.

²¹Kaaliiqa'ya, huuccatto'ya macciishshoottoehuranna, qeelle oottoe daafira galaxxeemmohe.

²²Mine mintannori mishshe agurtino kinchi, wo'munkura umo ikkino.

²³Konne coye assinohu Kaaliiqaati; ninkeno illenkenni la'ne maala'linoommo.

²⁴Kuni Kaaliiqira qeellete barraati; kunni barrinni hagiidhino; tashshino yoonke.

²⁵Kaaliiqa ballo eeggatena gatisinke! Kaaliiqa ballo, assi'neemmore baala qineessinke.

²⁶Kaaliiqi su'minni daannohu maassaminoha ikko; Kaaliiqi Mine hee'ne maassi'neemmo'ne.

²⁷Kaaliiqi Maganoho; ninkera caabbicho ikkinonke; anga darcho amaddine ayyaana ayirrisse; kakkalote darga gaangaabbe.

²⁸Ati Magano'ya ikkoottohura galaxxeemmohe; jawimmakkino duduweemmo.

²⁹Kaaliiqi shaqqado ikkino daafira, bagamannokkihu baxillisino hegereha ikkinohura, iso galattesi.