Read Sidama_Qullaawa _Maxaafa FAARSO 132 Bible Online

FAARSO 132 - Sidama_Qullaawa _Maxaafa bible

FAARSO 132

¹IIMALLITTETE FAARSO Kaaliiqa ballo, Daawiti qaagi; iillinosi qarra baala habbooti.

²Kaaliiqa ballo, atera coyi'rino qaalenna, Wo'manka Dandaattohura Yaiqoobi Maganira xa'nino xano qaagi.

³«Kaaliiqira hee'ranno darga qixxeessammo geeshsha, Wo'manka Dandaannohura Yaiqoobi Maganira mine minammo geeshsha, minira dihigeemmo; woy ma'nara disaeemmo; difooliishshi'reemmo; diinogoxeemmo» yiino.

⁶Beetelihemete hee'ne Gondooru Taabootire macciishshinoommo; dange Jeariimi yinanni darga anfoommo.

⁷Kunni gedensaanni, «Amme Kaaliiqi minira ha'nona! Ayirradu barcimisira albaanni magansi'nosina!» yinoommo.

⁸Kaaliiqa ballo, wolqakki malaate ikkinohu Taabootikki ledo, Qullaawu Minira e'e hakkiicho hee'ri.

⁹Qeesootikki wo'manka woyite halaalaancho coye assito! Mannikkino hagiirrunni ililliso!

¹⁰Kaaliiqa ballo, soqqamaanchikki Daawitira yite, doodhootto mootera alba shawwu yitootisi.

¹¹Daawitira, «Ate gedensaanni oosokki giddonni mitticho moohiseemmo;

¹²oosokki gondooro'yanna eemmonsa hajajo agadhituro, ate gedensaanni oosokki hegerera mookkanno» yite horontanni soorrantannokki hexxo oottosi.

¹³Kaaliiqi Tsiyooni doorino; isono hee'ranno darga assi'rara hasi'ranno;

¹⁴Kuni hegerera fooliishshi'reemmo dargaati; hakko hee'rammora hasi'reemmo daafira teesso'ya assi'reemmo.

¹⁵Tsiyoonira hasiisannore baala eemmo; buxanesino duubba geeshsha itiseemmo.

¹⁶Qeesootasi assidhanno coyi baalunkunni maassi'reemmonsa; manni'yano ilillisanni faarsanno.

¹⁷Hakkiichono Daawiti sirchi giddonni mitto jawa moote asseemmo. doodhoommo mooteha gashshootesi seediseemmo.

¹⁸Diinnasi saala uddidhanno gede asseemmo; isi gashshooti kayinni jironnihanna qawaaxxonniha ikkanno.