Read Sidama_Qullaawa _Maxaafa FAARSO 141 Bible Online

FAARSO 141 - Sidama_Qullaawa _Maxaafa bible

FAARSO 141

¹Kaaliiqa'ya ballo, ate woshshi'reemmona, rakke kaa'lie; atewa hige raareemmo woyite macciishshie.

²Huuccatto'ya hixaanu gede, diriirtinota anga'yano hawarro kakkalo gede assite lai.

³Kaaliiqa'ya ballo, afii'yara agaraancho wori; suume'yara allaalaanchono uurrisi.

⁴So'ro loosate halchonninna, haxawarrootu ledo hoshshawiinni agarie; jilinsara karsameemmokki gede shawwu assie.

⁵Danchu manchi shaqqillunni qorichishaeranna seejjaera dandaanno; bushu manniwiinni ayirrinye nafa diadheemmo; wo'manka woyite busha loosonsa giwatenni huuccatto assi'reemmo.

⁶Roorrootinsa balete tugantanno woyite, yoommori halaale ikkinota manninsa afanno.

⁷Daddarroonninna murmurroonni haqqe gede, miqqansa waammate afiira billaallitanno.

⁸Kaaliiqa Magano'ya ballo, ani kayinni ate addaxxa diaguroommo; agarooshshekki hasi'reemmona, reemmo gede assitootie.

⁹Wortinoe woshshaadowiinni agarie; busha loossannori siiwonni gatisie.

¹⁰Ani mittore ikkummokkinni saeemmo woyite, bushuullu woshshaadonsanni amadanto.