Read Sidama_Qullaawa _Maxaafa FAARSO 146 Bible Online

FAARSO 146 - Sidama_Qullaawa _Maxaafa bible

FAARSO 146

¹Kaaliiqi galatamo; lubbo'ya, Kaaliiqa galati.

²Heeshsho'ya diri baalunkunni Kaaliiqa galateemmo; hee'reemmo diri baalunkunni Magani'yara faarseemmo.

³Mannu gatisara didandaannona, albisoota addaxxitinoonte.

⁴Insa reyitanno woyite bushsha e'anno; hakku barri hedonsa baalate gawalote.

⁵Yaiqoobi Magani kaa'laanchosi ikkinosihuranna, Maganosi Kaaliiqa hexxino manchira tashshi yoosi.

⁶Kaaliiqi gordo, baatto, baaranna giddosi noore baala kalaqinoho. Isi wo'manka woyite gondoorosi agaranno.

⁷Shettinorira halaale coyi'ranno; hudidhinorira sagale aanno; usurantinore tire fushshanno.

⁸Ballootaho ille fananno; ubbinore kayisanno; halaalaancho manna baxanno.

⁹Kaaliiqi gobbansanni xiiwante fultinore agaranno; gunnootanna buxo kaa'lanno; bushuullu kayinni ba'anno.

¹⁰Kaaliiqi hegerera mootete; Tsiyooni, Maganikki hegerera gashshanno. Kaaliiqi galatamo!