Read Sidama_Qullaawa _Maxaafa FAARSO 2 Bible Online

FAARSO 2 - Sidama_Qullaawa _Maxaafa bible

FAARSO 2

¹Daga mayira gunguntanno? Gosano mayira beebbatenni gano gantanno?

²Tenne baatto mootoolla ka'e, roorrootuno Kaaliiqanna Buuramino Moote, assitanno gara ma'litanni,

³«Gashshootinsa usura tayinso; siiwonsano aaninkenni hoo'lino» yitu.

⁴Gordoho hee'ranno Kaaliiqi oso'lannonsa; Mootichuno qacifatannonsa.

⁵Hatte yannara, hanqisinni rufannonsa; aarisinnino waajjishiishanninsa,

⁶«Tsiyooni Ilaali qullaawu aana moote'yano moohisi'roommo» yii.

⁷Kaaliiqi seera lallaweemmo; isino, «Ati beetto'yaati; ani techo iloommohe.

⁸Daga baalanta amadokki, baatto baalanta gashshootekki asse eemmohena huucci'rie.

⁹Siwiilu siqqonni hiiqqaqqattonsa; doru uduunni gede assite cancanattonsa» yiie.

¹⁰Xaano ki'ne mootoolla, wodana asse; ki'ne gobba gashshitinoonniri qorophe.

¹¹Kaaliiqira waajjatenni soqqamme; isono huxidhine waajje.

¹²Hanqisi rahe daye hunanno'nekki gedenna, ki'neno hedeweelcho ba'inannikki gede isira kumbuulle. Iso golo assidhannori baraadhinoreeti.