Read Sidama_Qullaawa _Maxaafa FAARSO 21 Bible Online

FAARSO 21 - Sidama_Qullaawa _Maxaafa bible

FAARSO 21

¹FAARSAANOTE ROORRICHITA DAAWITI FAARSO Kaaliiqa, ate wolqanni mootete tashshi yaannosi; qeelle oottosi daafira lowo geeshsha hagiidhanno.

²Wodanisi halcho wonshoottosi; huucci'rinoreno diho'loottosi.

³Dancha maassonni xaadoottosi; filu culkita ayirrinyu ba'latto umoho woroottosi.

⁴Heeshsho aattosira huucci'reennahe, lowo geeshsha seeda diro oottosi.

⁵Ati kaa'loottosi daafira, bayira ayirrinye afi'rino; dancha su'manna gaacheena oottosi.

⁶Hegere maasso aattosi daafira, mulesi hee'ratenni hagiirsiisattosi.

⁷Moote Kaaliiqa addaxxinona, Wo'munkura Aliidi Maganihu bagamannokki baxilli ledosi noo daafira dimasanno.

⁸Diinnakki baalate aana angakki dirrisatto; gibbannoheri baalu qiniiticho angakkinni xaaddanno.

⁹Daatto waro, booso giira gede bushshattonsa; Kaaliiqi hanqisinni hunannonsa; giirano ittannonsa.

¹⁰Ilamansa baattote aaninni, sirchonsa mannu mereerinni hunatto.

¹¹Ate aana bunshe malte, gano ganturono, hedonsa diwo'mitanno.

¹²Albansa maxxunni alaante, badhe higge xooqqanno gede assatto.

¹³Kaaliiqa, wolqakkinni kainohunni ayirri; jawaantekkira galanteemmohe; faarsineemmohe.